A Policía Local tivo que acompañar o pasado fin de semana a un árbitro na saída do campo de fútbol do Príncipe Felipe ante o temor de que un pai dun dos xogadores o agredise. A Policía Local lembra que chegar a este tipo de condutas, se ben non son delituosas, son absolutamente reprochables dende o punto de vista cívico e están moi alonxadas da educación que deben recibir os máis cativos.
Os feitos ocorreron sobre as dúas e media da tarde do sábado 2 de novembro cando se solicita a presenza da Policía Local no campo de fútbol do Príncipe Felipe para acompañar ao árbitro na saída da instalación polas ameazas dun espectador.
