A Xunta comprobará o funcionamento dos sistemas de aviso o venres 26 de xuño, ás 10.00 horas, sen que exista ningunha emerxencia real
Os veciños das zonas próximas á presa de Baíña escoitarán o vindeiro venres, 26 de xuño, o son das sirenas de emerxencia. Trátase dunha proba programada pola Xunta de Galicia para verificar o correcto funcionamento dos sistemas de aviso incluídos nos Plans de Emerxencia de Presas.
O Concello de Baiona informa de que a activación terá lugar na presa de Baíña ás 10.00 horas.
O principal obxectivo desta actuación é comprobar que todos os dispositivos acústicos funcionan correctamente e garantir que os sistemas de alerta á poboación están preparados para responder no caso de que se produza unha situación de risco real. Ademais, esta proba permite que os residentes nas áreas de influencia da infraestrutura familiarícense co son das sirenas e saiban identificalo se algún día fose necesario activalas por unha emerxencia.
Desde as administracións responsables lembran que este tipo de exercicios forman parte dos protocolos habituais de seguridade asociados ás grandes infraestruturas hidráulicas. A súa realización periódica permite avaliar o estado dos sistemas de aviso e manter actualizados os mecanismos de prevención e resposta ante posibles incidencias.
O Concello quere trasladar unha mensaxe de tranquilidade á cidadanía, insistindo en que a activación das sirenas responderá unicamente a unha comprobación técnica programada. Por tanto, non existe ningún risco para a poboación nin será necesario adoptar medidas especiais durante o desenvolvemento da proba.
Así mesmo, esta actuación serve para reforzar a coordinación entre os distintos organismos implicados na xestión de emerxencias e mellorar a capacidade de resposta no caso de que se producise unha incidencia real. Tamén contribúen a aumentar a concienciación cidadá sobre os sistemas de protección civil e os procedementos de actuación en situacións de risco.
Desde o Concello de Baiona recoméndase aos veciños manterse informados a través das canles oficiais e recuerdamos que, en caso dunha emerxencia real, as autoridades comunicarían de forma inmediata as instrucións necesarias para garantir a seguridade da poboación. Mentres tanto, o son das sirenas do próximo 26 de xuño será unicamente parte dun simulacro destinado a comprobar que todos os sistemas funcionan correctamente.
