O domingo 5 de xaneiro está previsto que as súas Maxestades os Reis Magos de Oriente visiten Baiona subidos nas súas maxestosas carrozas e desfilando na gran cabalgata de Reyes que organiza o Concello de Baiona.
O percorrido comezará ás 17:00 horas en Sabarís. Sairá desde a glorieta próxima á ponte románico percorrendo as principais rúas da parroquia de Santa Cristina, pasando pola rúa Julián Valverde, Praza Victoria Cadaval, continuarán pola Avda. Urbana de Sabarís ata chegar á praia de Santa Marta.
Desde Santa Marta a Cabalgata partirá ás 18:00 horas e percorrerá as principais rúas da vila, parando na glorieta de Colón, onde a Comitiva Real continuará a pé ata a Praza do Concello. Alí os Reyes recibirán a todos os nenos que queiran entregarlle a carta e falar persoalmente con eles e faranlles entrega dun agasallo e caramelos.
O corte de tráfico realizarase desde a rotonda de Puga ata a de Villa Rosa de 17:30 a 20:30 horas. Previamente, indicarase a desviación do tráfico cara ao centro da Vila pola circunvalación, colocando a correspondente sinalización na rotonda de Sabarís de acceso á autoestrada e na rotonda de Rocamar.
O Concello de Baiona repartirá en total 1.500 Quilos de caramelos aptos para celíacos nos máis de 2 Quilómetros de percorrido da Cabalgata.
No caso de que as condicións meteorolóxicas sexan moi adversas e houbese que suspender a Cabalgata, será a recepción das súas Maxestades os Reyes a partir das 19:00 na carpa habilitada na praza do Concello onde as súas Maxestades recibirán a todos os nenos e entregaranlles un agasallo e caramelos.
As carrozas reais neste caso estarían expostas ao público na rúa Carabela Pinta.
As súas maxestades os Reis Magos contaron coa colaboración das seguintes empresas: Gestagua, FCC Medio Ambiente, S.A.; Cámping Baiona Praia; Oficina de Correos de Baiona; CARPAL CARYPALBO S.L.; Codema Lomba S.L.; Vigalco S.L.; Limpezas FARO; Maís Enerxía Galega; Sanior Galicia SL.; COVIGAL; Estación de Servizo Monterreal; Cualsi Pénjamo S.L. ; Restaurante A Boquería; Froiz; Autos Consentir (Opel); Irago, S.A.; EROISKI Center; Parador de Turismo; ACEBA; Ferraxería Electrogayfer S.L; ABANCA; Baygar; ALMIJOCAR S.L; Aqualia FCC Vigo UTE; Materiais de Contrucción J.A. Martínez; Restaurante Rocamar; Idades e Carrefour Market;
