Realizáronse labores de roza e acondicionado de viais así como a habilitación de zonas de estacionamento
O bispo de Tui-Vigo, Monseñor Luís Quinteiro Fiuza, oficiará a misa solemne das 12 horas o domingo 4 de xuño
O Concello da Lama puxo en marcha un amplo dispositivo de roza e limpeza no entorno da igrexa de Xende coa intención de ter toda a zona preparada para acoller a romaría do Santo Cristo que terá lugar durante esta fin de semana. Asimismo, o tenente de alcalde David Carrera e responsables da Agrupación de Voluntarios de Protección Civil Oitavén-Tea mantiveron unha xuntanza de coordinación do operativo de seguridade para atender e prever calquera problema que se poida producir durante esta celebración.
Dentro dos actos relixiosos, está previsto que o domingo 4 de xuño, o bispo de Tui-Vigo, Monseñor Luís Quinteiro Fiuza, presida a misa solemne que oficiará o cura párroco, David Dosantos, e a continuación terá lugar a tradicional procesión, nesta ocasión e por primeira vez, coa presenza das imaxes da Virxe das Ermidas e do glorioso San Brais de Briallos.
Por outra banda sinalar que os operarios municipais e tamén da Deputación de Pontevedra remataron xa os labores de limpeza, roza e acondicionamento dos viais por onde discurrirá este evento turístico-relixioso.
As boas previsións metereolóxicas fan prever que esta fin de semana se produza unha gran afluencia de devotos ao entorno da igrexa de San Paulo onde está albergado o Santo Cristo de Xende. Así, nestes días e coincidindo coa celebración das Novenas, púdose observar unha gran afluencia de persoas e familias que percorreron os distintos viais que conducen ao Santuario do Santo Cristo de Xende (A Lama).
PROGRAMA FESTIVO E RELIXIOSO
Os actos relixiosos comezaron o pasado 25 de maio coa Novena e proseguen o sábado 3 de xuño con misas ás 10 e ás 11 da mañá. Ás 12 horas terá lugar a misa solemne seguida de procesión acompañada pola Banda de Música Municipal de Redondela. Ao remate, terá lugar o concerto da debandita agrupación musical. Pola tarde haberá misas ás 18 horas e ás 19 horas.
Por outra banda, ás 21 horas haberá unha gran churrascada e postres caseiros e a partir das 23 horas terá lugar a verbena amenizada polo trío 3.COM.
A xornada do domingo prevé a celebración de misas ás 10 e ás 11 mentras que a solemne será ás 12 do mediodía e estará presidida polo bispo da diócese de Tui-Vigo, Monseñor Luís Quinteiro Fiuza e será oficiada polo cura párroco, David Dosantos. Ao remate da misa terá lugar a tradicional procesión que contará por primeira vez coa participación das imaxes da Virxe das Ermidas e o glorioso San Brais de Briallos.
Ao rematar a procesión haberá un concerto protagonizado pola Banda de Música Unión Musical de Tenorio. Ás 19 horas haberá tamén unha misa solemne e a continuación procesión coa gloriosa imaxe do Santo Cristo da Agonía de Xende.
Os actos relixiosos pecharán o domingo 11 de xuño ás 12:30 horas cunha misa solemne de Corpus e a continuación procesión do Santísimo Sacramento.