Quen queira achegarse a realizar a súa aportación solidaria pode facelo o vindeiro sábado 2 de novembro en horario de 10 a 20 horas nas instalacións de Mos Axuda en Puxeiros
Desde o Concello de Mos coa colaboración de Mos Axuda e AEMOS (Asociación de Empresarios de Mos), organízase unha recollida de alimentos e roupa de cama, mantas e toallas para os afectados pola Dana.
Será o sábado día 2 no local de Mos Axuda (Estrada Puxeiros – Peinador) en horario de 10:00 h a 20:00 h.
A axuda solidaria recollida enviarase ás naves habilitadas nos tres pobos máis afectados: Paiporta, Picanya e Catarroja.
En comunicacións coa Policía Local de Valencia, á administración local mosense infórmaselle de que as necesidades máis acuciantes para a poboación afectada son:
Auga
Leite
Conservas
Comida de bebé (leite en pó e potitos)
Comida non perecedeira
Mantas, roupa de cama e toallas
Biberóns, “toallitas” e pañais
Papel hixiénico
Cargadores de móbil
Todas as persoas interesadas en colaborar e que teñan algunha dúbida ao respecto poden poñerse en contacto telefónico con Mos Axuda chamando ao número de teléfono: 627 133 828.
