Trátase dunha actividade gratuíta dirixida a empadroados no municipio e a inscrición deberá ser presencial, debendo achegarse o DNI
O Concello de Nigrán abre a inscrición este mércores 13 de novembro de 16:00 a 20:00 horas na Oficina de Turismo de Gaifar para participar nun roteiro de sendeirismo pola Ribeira Sacra o domingo 17 de Novembro e, de paso, coñecer o templo de Veracruz, no Carballiño e da autoría de Antonio Palacios. Trátase dunha actividade gratuíta e terán prioridade as persoas empadroadas no municipio, correndo o xantar por conta de cada participante. Para máis información os interesados deben chamar ao 699859418.
