O cuarteto tocará de xeito gratuíto no escenario ao aire libre de A Foz coincidindo coa celebración na contorna da festa da cervexade xoves a domingo
Co seu divertido e retranqueiro modo de facer, homenaxen ás grandes divas do pop: Whitney, Celine, Mónica Naranjo, Beyoncé…
O Concello de Nigrán ofrece este venres 15 de agosto ás 22:00 horas e de xeito gratuíto o concerto de ‘De Vacas’ no escenario ao aire libre do esteiro de A Foz. O cuarteto presenta o seu novo espectáculo ‘Rebovina Divas Life’ coincidindo coa celebración na contorna da festa da cervexa artesana de xoves a domingo. De Vacas son a Marela, a Pinta, a Morena e a Rubia. Son tamén Inés Salvado, Faia Díaz, Paula Romero e o guitarrista nigranés Guillerme Fernández. O divertido cuarteto visita Nigrán a través do programa ‘+ Música’ da Deputación de Pontevedra.
‘De Vacas’ tira de retranca, viste a escena e desempolvan as súas mellores galas para a ocasión, rebobinando na memoria do tempo. É unha homenaxe a elas, ás mestras, ás divas do pop: Whitney, Celine, Mónica, Beyoncé…mulleres que acompañaron coas súas cancións tantos momentos felices, tantas horas de ‘guachinein’ a voces coas nosas irmás, compañeiras do traballo, da vida e do amor. Apostan por unha iluminación que non ten nada que envexarlle a Vigo, por un vestiario xenial e feito a medida que potencia a teatralidade, ademais de servirse de novos elementos escenográficos. Ás músicas e bases electrónicas súmanselle espectaculares coreografías co cu sentado na silla.
As letras, a súa seña de identidade, seguen na liña do compromiso co feminismo, o ecoloxismo ou a poesía. As harmonías de voces e guitarra marcan o carácter dun grupo que explota a enerxía xuvenil ata o extremo, convidándovos a desfrutar dunha fantasía divina.
