O primeiro terá lugar este luns 22 e está dirixido a crianzas de 8 a 11 anos e o segundo o martes 23 para rapazada de 12 a 17 anos. Está dirixido a empadroados e o prazo de inscrición está aberto
O Concello de Nigrán ofrece sendos cursos de cociña de Nadal dirixidos a crianzas empadroadas no municipio. Ambos terán lugar nas instalacións do CEE de Panxón (Camiño dos Lagos, 5). O primeiro, dirixido a nenos e nenas de 8 a 11 anos, terá lugar este luns 22 de decembro cun menú a base de galletas de chocolate e torta de froitas, comezando ás 11:30 horas e rematando ás 13:00 horas. O segundo terá lugar o martes 23 ás 11:00 horas e está dirixido a rapazada de 12 a 17 anos, estes realizarán ao longo de dúas horas un menú de tres platos e recibirán trucos de aproveitamento.
Os cursos son de balde con inscrición previa a partir deste mércores 17 na Oficina de Información do Concello de Nigrán ou no 986365000, repartíndose as prazas (12 e 15 respectivamente) por rigorosa orde de solicitude (comprobarase o empadroamento dos anotados).
