Terá lugar do desde o xoves 25 ao domingo 28 de xullo, coincidindo o Nigránjazz o venres e o sábado
O Concello de Nigrán volve a ser o escenario este verán dunha das citas gastronómicas máis agardadas nas Rías Baixas: o famoso festival gastronómico itinerante ‘Rilla na Rúa’. Dez food-trucks aparcarán do xoves 25 ao domingo 28 de xullo na alameda da Ramallosa para ofrecer cadansúa especialidade. Música en directo, mercado de artesanía e actividades para crianzas complementan este evento que este ano Elemental Chef ten cedido a OnyVÁ! Eventos a organización e que coincide o venres e sábado co festival de música Nigranjazz que se celebra a escasos metros, no escenario ao aire libre da Foz do Miñor.
Os asistentes poderán gozar en modo ‘gourmet’ e a precio asequible de especialidades a base de comida mexicana e italiana, hamburguesas, bocatas, produtos extremeños, salchichas, doces, alimentos a base de pavo…
“Cada ano o Rilla na Rúa triunfa porque a verdade é que é un auténtico luxo poder comer delicattesens ao aire libre nunha contorna con espectaculares vistas ao esteiro da Foz, é unha cita ineludible do verán nigranés”, sinala o alcalde, Juan González.
