Luis Taboada informa a todas as veciñas e veciños que, co obxectivo de preservar o entorno e garantir o axeitado manexo forestal, estableceuse unha normativa que regula a retirada de madeira no noso concello.
O alcalde de Vila de Cruces, Luis Taboada, fai un chamamento a todos os madeireiros e persoas involucradas na actividade, instándoos a familiarizarse e cumprir estritamente coa mencionada normativa. É esencial para manter o equilibrio medioambiental e previr posibles danos ao noso entorno natural.
Concedeuse un prazo máximo de 15 días a partir da data deste comunicado para que aqueles que aínda non cumpran coa normativa procedan a regularizar a súa situación. Transcorrido este período, o Concello tomará medidas correspondentes no caso de incumprimento.
O incumprimento da normativa non só pode carretar sancións económicas en forma de multas, senón tamén responsabilidades legais polos posibles desperfectos causados ao entorno natural. O Concello de Vila de Cruces vixiará pola aplicación rigorosa destas medidas co fin de preservar o noso patrimonio natural.
Para obter máis información e consultar a normativa, instase aos interesados a poñerse en contacto coa Oficina de Medio Ambiente do Concello.
Agradecemos a colaboración de todas e todos para garantir o benestar do noso entorno e o cumprimento das regulacións establecidas.