Persoas usuarias de 13 asociación solidarias do barrio celebraron os Maios
O barrio do Calvario en Vigo é o fogar dunha chea de agrupacións solidarias da cidade que traballan día a día para mellorar a vida das súas persoas que asisten ós seus servizos. As direccións destas organizacións crearon a Plataforma Social Calvario, para seguir crecendo no seu camiño e poder organizar actividades de máis impacto na que as súas persoas usuarias poidan convivir e coñecer realidades diferentes. Este xoves, traballadores, traballadoras e persoas usuarias destas entidades uníronse para encher de flores o praza da Memoria de Martínez Garrido e celebrar ao grande os Maios.
Persoas con Síndrome de Down e diversidade intelectual, problemas de adiccións, discapacidade, párkinson, xitanas, maiores e mozas crearon grandes árbores de flores na praza, mentres desfrutaron da actuación de Acordeireta.
A plataforma Social Calvario, creada no 2023, está formada pola Asociación Érguete, Down Vigo, Afaga Alzhéimer, Arela, Secretariado Gitano, Igualarte, Párkinson Vigo, Asem, Apamp, Fundación Érguete-Integración, Biblioteca Xosé Neira Vilas, Centro Municipal de Benestar Social Rivera Atienza e o centro social Rivera Atienza.
