– A cita é este domingo, día 12 de xullo,ás 11:30 horas no Peirao de Chapela. A regata forma parte do calendario da Liga LGT Feminina e está consolidade como unha das grandes referencias desta competición.
– A alcaldesa, Digna Rivas, desexoulle moita sorte ás beretes na competición deste domingo en augas de Chapela e animou a toda a veciñanza a animalas para acadar a súa primeira vitoria da tempada.
A alcaldesa, Digna Rivas, e o concelleiro de Deportes, Antonio Cabaleiro presentaron hoxe a XI Bandeira Feminina Concello de Redondela xunto a Antonio Viaño e Ángel Figueroa, presidente e directivo do CR Chapela, respectivamente. Esta cita, que se celebra o domingo 12 de xullo ás 11.30 horas, e converteuse nunha das grandes referencias do remo feminino dentro do Trofeo Xunta de Galicia ’26 e a Liga Galega de Traiñeiras. A alcaldesa sinala que esta regata reafirma “a forte aposta do municipio polo deporte feminino e o recoñecemento ao traballo do Club de Remo Chapela, que exercerá como anfitrión nunha xornada de máxima emoción na ría”.
Desde o club lembran que a traiñeira feminina de Chapela arrincou con forza a Liga Galega de Traiñeiras desta temporada, con dúas segundas prazas nas dúas primeiras regatas. A alcaldesa desexoulle moita sorte ás beretes na competición deste domingo en augas de Chapela e animou a toda a veciñanza a animalas para acadar a súa primeira vitoria da tempada.
A organización garante un dispositivo de seguridade coordinado para que tanto as tripulacións como os afeccionados poidan gozar do gran espectáculo deportivo no litoral redondelán desde o paseo de Cardona.
