O conselleiro de Emprego, Comercio e Emigración, José González, xunto co delegado territorial da Xunta en Ourense, Manuel Pardo, asistiu no campo da festa do Barral á 30ª edición da Festa da Anguía. Alí destacou a importancia deste tipo de celebracións tradicionais, tanto para o impulso da economía local como para a promoción turística e gastronómica dos concellos galegos.
Ademais, puxo en valor o compromiso da Xunta co desenvolvemento do rural e co apoio ao sector hostaleiro e comercial como elementos clave para o crecemento sostible e a creación de emprego nos territorios.
