Home Xunta de Galicia A Xunta e Repsol afianzan a colaboración en materia de FP Dual...

A Xunta e Repsol afianzan a colaboración en materia de FP Dual coa formación de 41 alumnos e un certificado certificado de profesionalidade en Química Industrial

- Anuncio -

— O conselleiro de Cultura, Educación, FP e Universidades en funcións asina coa directora do Complexo Industrial da Coruña o convenio marco para esta acción

— Gaba o seu compromiso e agradece que sexa a primeira firma colaboradora en FP que asumirá os custos da Seguridade Social fixadas a nivel estatal

A Xunta de Galicia e a empresa Repsol veñen de reforzar a súa colaboración en materia de FP Dual coa sinatura dun convenio marco para o alumnado do ciclo superior dual en Química Industrial así como co acordo para a implantación dun novidoso certificado de profesionalidade neste eido.

O conselleiro de Cultura, Educación, FP e Universidades en funcións, Román Rodríguez, e a directora do Complexo Industrial de Repsol na Coruña, Natalia Barreiro, asinaron esta mañá o acordo a través do cal un total de 41 alumnos de distintas familias profesionais poderán completar a súa formación práctica nesta factoría. Deles, 18 pertencentes a sexta promoción do Ciclo Superior de Química Industrial Dual vanse incorporar xa este mes.

Así pois, ao abeiro deste acordo, o alumnado seleccionado realizará a súa formación curricular no Instituto IES A Sardiñeira (agás tres alumnos de Mecatrónica no CIFP Ferrolterra e un no IES Marqués de Sargadelos de Cervo), mentres que a parte de formación práctica desenvolverana nas instalacións da empresa na Coruña.

Unha vez rematado o período de prácticas, estes alumnos terán preferencia para incorporarse ás bolsas de emprego de Repsol. Así mesmo, a empresa comprométese a colaborar tamén no proceso formativo do alumnado ofrecendo formación específica por parte de persoal coa cualificación requirida, así como orientación e actualización da formación aos docentes da Consellería.

Confianza, prestixio e utilidade
Na súa intervención, o conselleiro Román Rodríguez subliñou a importancia da implicación de empresas como Repsol no crecemento da Formación Profesional galega en xeral e da FP Dual en particular, que está sustentado na “confianza, o prestixio e a utilidade”. Neste senso, reiterou o compromiso do seu departamento coa planificación dunha oferta ampla e diversificada, que dá resposta ás necesidades do tecido socio-produtivo e cunha aposta clara pola innovación e a alta cualificación.

Román Rodríguez aproveitou para agradecer a implicación da empresa Repsol e o seu compromiso con este proxecto. Non en balde, salientou que é a primeira firma colaboradora en FP, na modalidade de FCT, que se vai facer cargo da xestión e do custo económico das altas na Seguridade Social das prácticas non remuneradas do dito alumnado fixada a nivel estatal.

Colaboración o vindeiro curso
A colaboración con Repsol leva en marcha desde hai década e prevese que se siga reforzando no futuro. De feito, nestes momentos Consellería e empresa están avaliando a posibilidade de implantación dun novidoso sistema de oferta parcial de ciclos en dual para o vindeiro curso 2024-25.

Á falta de pechar as características específicas, sería unha oferta parcial do ciclo de grao superior en Química Industrial cunha duración dun ano (fronte aos dous habituais), onde se concentraría unha formación moi especializada nos procesos produtivos de Repsol, especificamente na xestión e control de planta química, que levaría a obtención dun certificado de profesionalidade.

O departamento educativo da Xunta de Galicia e Repsol manteñen unha estreita relación desde 1997, ano no que se asinou o primeiro convenio de colaboración educativa nas ensinanzas de formación profesional. No ano 2003 esta colaboración ampliouse para a impartición do ciclo formativo de grao superior de Industrias de Proceso Químico conxuntamente nas instalacións da empresa e no IES A Sardiñeira da Coruña. A partir de 2010 este ciclo foi substituído polo actual de grao superior en Química Industrial. A maiores, a empresa implicouse xa en 2013 na implantación da FP Dual, mantendo ademais a colaboración anterior no grupo de réxime ordinario.

Relacionadas

A Xunta realiza labores de conservación en varios ríos no concello de Ortigueira que...

0
As tarefas que realiza Augas de Galicia prolongaranse durante 9 semanas e inclúen a retirada de árbores caídas e biomasa das canles fluviais para...

Anxo M. Lorenzo analiza cos responsables de arquivos as accións a desenvolver nos vindeiros...

0
O director xeral de Cultura, Anxo M. Lorenzo, mantivo un encontro hoxe cos responsables dos cinco centros arquivísticos xestionados pola Xunta para analizar os...

A Xunta participa nun proxecto europeo de mitigación dos gases de efecto invernadoiro no...

0
― O Centro de Investigacións Agrarias de Mabegondo (CIAM), adscrito á Axencia Galega da Calidade Alimentaria da Consellería do Medio Rural, acolleu días atrás...

López Campos visita a igrexa de Santa María de Sacos tras finalizar os traballos...

0
Destaca que a actuación, cun orzamento de 330.000€, forma parte do “compromiso do Goberno galego coa salvagarda dos bens patrimoniais e a súa posta...

Xosé Merelles pon en valor os entroidos tradicionais galegos como atractivo turístico en meses...

0
Participou na Estrada na presentación do programa do Entroido dos Xenerais do Ulla que inclúe actividades ao longo do próximo mes e medio O director...

A Xunta avanza na aposta pola atracción de talento emprendedor ao rural coas reunións...

0
— A directora xeral de Traballo Autónomo e Economía Social asistiu hoxe en Laxe á segunda xuntanza desta iniciativa, impulsada polo Goberno galego coa...

Publicacións Relacionadas