test
Home Xunta de Galicia A Xunta salienta a colaboración entre o laboratorio de Medio Ambiente de Lourizán...

A Xunta salienta a colaboración entre o laboratorio de Medio Ambiente de Lourizán e Augas de Galicia desde 2010 para garantir o bo estado das augas superficiais

- Anuncio -

— Paula Uría subliña que estas instalacións se especializan na realización de análises biolóxicas e no control de calidade das augas naturais, con máis de 131.000 actuacións realizadas só en 2023 entre mostraxes, analíticas e medicións in situ

— Avanza que no marco do novo convenio entre ambos organismos está prevista reconfigurar a actual rede de observación ambiental e ampliala a outros ámbitos

A Xunta pon en valor os bos resultados da colaboración que desde o ano 2010 manteñen o Laboratorio de Medio Ambiente de Galicia (LMAG) e o organismo hidráulico Augas de Galicia para a realización de mostraxes e análises e a aplicación dos índices de valoración necesarios para avaliar e garantir o bo estado das masas de auga superficiais.
Así o destacou a directora xeral de Enerxías Renovables e Cambio Climático, Paula Uría, no marco dunha visita realizada esta mañá ao edificio do LMAG en Pontevedra, que alberga unha das dúas sedes que ten o organismo na comunidade.
Concretamente, explicou que as instalacións localizadas en Lourizán se especializan en análises biolóxicas e de vixilancia e control de calidade das augas naturais, mentres que a sede do laboratorio na cidade da Coruña se dedica a realizar mostraxes químicas de substancias contaminantes e ao control do aire ambiente.
Neste sentido, a directora xeral salientou a importancia do traballo que realiza o LMAG desde hai máis dunha década, tras integrar no ano 2010 nunha soa unidade administrativa as funcións e a estrutura da Rede de observación ambiental de Galicia, unha ferramenta ao servizo da Xunta integrada por un conxunto de estacións que rexistran diferentes variables e permite incrementar o coñecemento da dinámica dos ecosistemas e a súa interacción cos distintos tipos de actividades humanas.
No caso concreto do laboratorio de Lourizán, as principais funcións e actividades que desenvolven os seus técnicos consisten na toma de mostras das redes de control da calidade das augas naturais superficiais continentais, costeiras e de transición, análises microbiolóxicas, identificación de distintos organismos biolóxicos e analíticas de nutrientes, parámetros moi útiles para coñecer o estado ecolóxico en todas as masas de auga de competencia galega.
Así mesmo, xunto cos técnicos de Augas, tamén toman mostras e fan análises de cianobacterias nos encoros destinados a consumo da demarcación hidrográfica de competencia autonómica (Galicia-Costa); realizan diagnoses da recuperación ecolóxica dun curso de auga tras unha vertedura; e colaboran no rexistro de especies invasoras e ameazadas, co apoio e a colaboración da Dirección Xeral de Patrimonio Natural.
Todo este traballo traduciuse só durante o ano 2023 en máis de 131.000 actuacións realizadas na sede do LMAG de Pontevedra entre mostraxes, diferentes tipos de análises e medicións in situ no proceso de toma de mostras relacionadas coas augas naturais da comunidade.
Por iso e tras lembrar que o próximo ano toca asinar un novo convenio de colaboración con Augas de Galicia para seguir executando os programas de control derivados da Directiva marco da auga, a responsable autonómica avanzou que está previsto abordar a reconfiguración da actual rede de observación ambiental e mesmo ampliala a outros posibles ámbitos.
De feito, os puntos de control, as frecuencias e os parámetros incluídos no futuro convenio poderán variar en función dos resultados da revisión do Plan Hidrolóxico da Demarcación Hidrográfica de Galicia-Costa que está a realizar o organismo autonómico.

Relacionadas

A Xunta aborda coa Asociación para a promoción de actividades de integración sociolaboral en...

0
— O conselleiro de Emprego, Comercio e Emigración, José González, acompañado da directora xeral de Traballo Autónomo e Economía Social, Marta Mariño, vén de...

A Xunta apoia a Liga Galega de Traiñeiras con 25 equipos nas súas tres...

0
O conselleiro de Presidencia, Xustiza e Deportes, Diego Calvo, participou esta tarde na illa de San Simón no acto de presentación da competición de...

A Xunta apoia o transporte de mercadorías a través dun plaan estratéxico para impulsar...

0
A directora xeral de Mobilidade, Judit Fontela, participou hoxe en Lugo na clausura da asemblea xeral ordinaria da Asociación Empresarial de Transporte de Mercadorías...

Diego Calvo, visitou esta mañá en Ribadumia os participantes no IV Torneo Intercontinantal de...

0
O conselleiro de Presidencia, Xustiza e Deportes, Diego Calvo, visitou esta mañá en Ribadumia os participantes no IV Torneo Intercontinantal de fútbol sub-14, máis...

A Xunta pon en servizo o novo aparcadoiro disuasorio de Ribadumia con 77 prazas...

0
O orzamento desta actuación, coa que o Goberno autonómico segue a apostar por unha mobilidade máis sostible, elevouse a 540.000 eurosDiego Calvo destacou que...

Rueda destaca o peso do peregrino internacional no Camiño de Santiago e unhas rutas...

0
Fai fincapé en que antes de que remate xuño xa se superará a cifra de 200.000 compostelas, o que augura un novo récord anual...

Publicacións Relacionadas