O conselleiro de Sanidade, Antonio Gómez Caamaño, participou esta mañá no acto da toma de posesión da nova xunta directiva do Colexio Oficial de Médicos de Pontevedra.
O titular da Sanidade convidou aos novos membros da xunta directiva a continuar co bo labor desenvolvido polos seus antecesores, en prol do impulso das boas prácticas profesionais, o coñecemento científico e a investigación clínica.