O alcalde de Ourense, Gonzalo Pérez Jácome, e o concelleiro de Deportes, Mario Guede, asistiron onte á inauguración das obras de remodelación do campo de fútbol Monte da Aira de Velle, realizadas polo Consello Municipal de Deportes do Concello de Ourense.
Esta actuación supuxo un investimento total de 183.928€ máis dirección de obras e melloras, e incluiu a reforma integral de 4 vestiarios desta instalación deportiva, para mellorar as condicións de uso deste campo por parte dos numerosos deportistas de diferentes categorías que o utilizan cada semana para os adestramentos e partidos de competición.
O alcalde puxo en valor a importancia da mellora deste equipamento deportivo, do que garda un grato recordo pois, lembrou o rexedor, é o campo onde xogou o seu primeiro partido de fútbol 11, nos anos 80, no Club da Asunción.
