- Renováronse case 40 xanelas por outras de dobre acristalamento e sistema de seguridade para os máis pequenos
- O Concello de Pazos de Borbén acaba de finalizar os traballos de mellora no CPI Curros Enríquez. Unha actuación coa que se pretende mellorar a confortabilidad do centro e para a cal se solicitou o financiamento da Consellería de Educación da Xunta de Galicia.
- Tras renovar na primeira fase todas as xanelas das aulas e dependencias utilizadas polos alumnos, esta segunda parte da actuación completou a actualización do resto de xanelas do edificio coa instalación de 38 novas cristaleiras en pasillas, baños e salas de profesores.
- As novas ventás son de alto rendemento enerxético ao contar con dobre acristalamento e ponte térmica, o que permitirá ao centro ser máis eficiente e reducir os seus gastos en calefacción e climatización. Ademais, contan cun sistema de seguridade que evita que os alumnos poidan abrilas na súa totalidade, bloqueándoas nunha posición segura para os alumnos que só permite a ventilación das estancias.
- O alcalde de Pazos de Borbén, Andrés Iglesias, visitou o colexio para comprobar o resultado dos traballos acompañado de membros do goberno local e a dirección do centro. “Ao final conseguiuse que os traballos estivesen a punto para o inicio do curso e que os nosos escolares poidan comezar este ano da mellor maneira posible”, finalizou o rexedor.