• As persoas interesadas poderán anotarse ata o 30 de setembro na Casa da Cultura.
• Hai opcións variadas para todas as idades como: atletismo, balonmán, natación, teatro, cociña ou debuxo.
O Concello de Cariño acaba de abrir o prazo de inscrición para participar nas actividades culturais e deportivas para o curso 2022/2023. As persoas interesadas teñen ata o 30 de setembro para anotarse na Casa da Cultura, en horario de 11 a 13:30 horas e de 16:30 a 20 horas.
A oferta deportiva municipal inclúe: Xogos, patinaxe, baile infantil, atletismo, balonmán, pilates, bádminton, natación e aquagym. A escola municipal de atletismo estará dirixida por Paula Mayobre e os participantes organizaranse por grupos segundo a súa idade.
No caso das actividades culturais este curso levará a cabo: taller creativo, teatro, cociña creativa e debuxo/pintura. A aula municipal de teatro estará impartida por Pepablo Patinho, de Teatro Ghazafelhos, e tamén estará organizado por grupos de idade.
