A determinadas horas do día, as inmediacións do colexio de Figueiroa é un auténtico fervedoiro de nais, pais, nenos e nenas, e tamén de coches., que non teñen espazo para aparcar debidamente. Isto provoca que moitas nais e pais utilicen as marxes da recta de Figueiroa para deixar os coches e levar as nenas e os nenos ao colexio. Sen embargo, este curto traxecto ten, a xuízo de nais e pais que se puxeron en contacto co BNG, un serio problema de seguranza vial na rotonda, antes de chegar ao paso de peóns.
Esta anaco de beirarrúa é moi estreito e non ten beiravía, o que aproxima moito os coches ás nenas e nenos que pasan por esta rúa en dirección ao colexio, o que ao noso ver, e tamén ao ver de nais e pais, supón un perigo evitábel cunha simple varanda de protección, que protexa ás nenas e nenos.
Aínda que até hoxe non se produciu ningunha desgraza neste sentido, entendemos que o concello debería investir en prevención, poñer a venda antes de que apareza a ferida, e non agardar a que ocorra algo, cousa que é bastante habitual.
Por todo isto, pedimos ao concello que atendan esta demanda dos veciños e veciñas da Estrada. Investir en seguranza vial non é un gasto.