As actuacións previstas forman parte das intervencións para arranxar os danos causados polos temporais este inverno
O Concello avanza no seu plan especial de mantemento de firmes posto en marcha despois das choivas deste inverno na cidade. Hoxe os equipos de mantemento están a actuar en diferentes puntos da cidade, seguindo coa folla de ruta para repoñer o pavimento alí onde presenta danos.
Estas intervencións de alta prioridade foron incluídas na lista atendendo tanto ás observacións dos servizos municipais e dos informes trasladados pola Policía Local como ás peticións directas da veciñanza, comunicadas ao Concello a través dos canles de peticións e rogos establecidos polo Goberno local.
En total, son máis dunha trintena de puntos que presentan desperfectos menores que están a ser remodelados. Máis de vinte deles proveñen directamente de avisos cidadáns.
Actualmente, o executivo municipal ten en marcha unha programación intensiva de mantemento de calzadas e beirarrúas que levaron renovacións dos pavimentos a todos os barrios.
O plan prevé, por exemplo, varias actuacións ao longo da Ronda de Outeiro coa substitución de laxas de formigón e a reparación doutros danos. Tamén na rúa Campo da Estrada se dará resposta ás observacións das persoas residentes da zona. Completan a listaxe as rúas da Torre, Arquímedes, Isaac Peral, Gutenberg, Antonio Insúa Rivas, Concepción Arenal, Hamburgo, Emilio González López, Ángel del Castillo, Alcalde Sanjurjo Carricarte, San Roque, Faro, Orillamar, Maestranza, Zúrich, San Amaro, Andrés Antelo, a 2ª fase de Elviña e as avenidas de Os Mallos, Glasgow e Nostián, así como reparacións no Cantón Pequeno e na praza de Lugo.
“O Concello está a actuar para reparar os danos no espazo público de toda a cidade a causa da climatoloxía dun inverno especialmente adverso, levamos semanas traballando con máis dun cento de actuacións que se están a desenvolver en todos os barrios da cidade”, apuntou a concelleira de Infraestruturas e Mobilidade, Noemí Díaz. Recentemente, o Concello tamén levou a cabo renovacións de grandes tramos de pavimento en zonas como Juan Flórez, avenida del Ejército, Adormideras ou o Paseo Marítimo.
