Esta iniciativa preventiva terá lugar durante as tardes de mañá xoves e o venres 12 de febreiro, así coma a mañá do sábado 13 de febreiro
A Xunta de Galicia, a través da xestión do Servizo Galego de Saúde, efectuará no centro de saúde de Vilalonga, no Concello de Sanxenxo, entre mañá xoves 11 e o o vindeiro sábado 13 de febreiro, unha nova campaña preventiva con cribados poboacionais con test rápidos de antíxenos cara a detectar o maior número posible de portadores asintomáticos de COVID 19, o que permitirá reducir a cifra de contaxios de coronavirus nesta localidade.
Á dita iniciativa preventiva a Administración Sanitaria Pública galega vai convocar, gradualmente e vía SMS telefónico, á poboación sanxenxina dentre 40 a 49 anos de idade, colectivo que nesta localidade acada a arredor das 2.600 persoas.
Para levar a cabo este cribado, a Área Sanitaria de Pontevedra e O Salnés contará no centro de saúde de Vilalonga con tres equipos de enfermaría en cada turno, que efectuarán tarefas de control e cumprimento das medidas de seguridade, realización e procesado das tomas de mostras e información aos usuarios.
Aumentar a detección de casos asintomáticos
Este tipo de probas que se efectuarán as tardes de mañá xoves, do venres e durante a mañá do vindeiro sábado 13 de febreiro en Sanxenxo serven para aumentar a cifra de casos asintomáticos detectados.
Os resultados negativos destes cribados no centro de saúde de Vilalonga serán comunicados por SMS pola Área Sanitaria, mentres que os positivos notificaránse contactando directamente vía telefónica con cada persoa.
