Soutomaior e Pazos de Borbén permitirán as fogueiras de San Xoan en terreos particulares

Será necesario solicitar a autorización antes do dia 23 e establécense unhas recomendacións sanitarias para evitar aglomeracións
Os Concellos de Soutomaior e Pazos de Borbén abriron esta mañá o prazo para solicitar o permiso para as tradicionais fogueiras de San Juan. Debido ás restricións que aínda hai vixentes pola pandemia do COVID-19 e para evitar aglomeracións, este ano as cacharelas só están permitidas en terreos privados polo que os interesados deberán cumprimentar a solicitude antes do día 23.
Desta maneira, ambos os municipios seguen o mesmo criterio rexido noutros concellos onde tampouco se permiten as fogueiras en lugares públicos, como nas praias, e tamén a regulación da Consellería de Sanidade que permite as reunións particulares, pero non os eventos populares e verbenas polo risco que supoñen de aglomeración.
En canto aos requisitos que establecen para a realización das fogueiras, os lumes deberán realizarse en lugares despexados mantendo unha distancia de seguridade como mínimo de 12 metros das edificacións, liñas aéreas de servizos, mobiliario urbano e vehículos, e non deberá superar en ningún caso os 3 metros de alto.