O Grupo de Emerxencias Supramunicipal de Brión participou ás 19:00 horas de onte mércores no operativo mobilizado ante unha saída de vía dun vehículo, que rematou chocando contra un camión, na entrada da localidade de Chave da Ponte (Brión). Unha intervención que se saldou sen persoas feridas de gravidade e na que tamén participaron técnicos da Garda Civil de Tráfico, 061, ambulancia do 061, Helicóptero H3 e mantemento de estradas.
Ao chegar ao lugar do sinistro, na AC-300 Os Ánxeles-Picaraña, os técnicos brioneses atoparon un aparatoso accidente, pero puideron comprobar que non había feridos de gravidade, polo que procederon a asegurar a zona e restablecer a circulación. De feito, aínda que inicialmente se pensou na necesidade de excarcerar a unha das persoas ocupantes do vehículo, finalmente non fixo falla pois saíron polo seu propio pe.
