O Concello de Baiona, a través da Concellaría de Turismo, aposta por diferentes iniciativas coas que dar a coñecer a riqueza patrimonial e cultural do municipio. Tras o éxito de participación e interese suscitado por esta iniciativa, a Concellaría de Turismo volve realizar unha visita guiada na península de Santa Marta, “Seguindo os pasos de Drake”, orientadas a un público infantil para realizar en familia, na que nais, pais e fillos/as participen conxuntamente na visita, pasando un intre agradable coñecendo un pouco da historia local. Esta visita centrarase na chegada do corsario inglés Francis Drake a esa zona da Vila e explicaranse os elementos significativos do lugar, todo iso, de forma didáctica a través de xogos, adiviñas,…
A visita terá lugar o domingo 13 de setembro e esta orientada ao público infantil (a partir de 5 anos) e as súas familias. O punto de encontro para a saída será ás 11.00 horas no posto de salvamento da praia de Santa Marta.
A visita é gratuíta e é necesaria a inscrición previa na Oficina de Turismo de Baiona ou no correo electrónico: oficinadeturismo@baiona.gal
O prazo de inscrición termina o venres 11 ás 13.30 horas.
