- O prazo de presentación de solicitudes estará aberto ata o 7 de outubro e inclúe prazas a xornada completa e en horario de tarde
O Departamento de Servizos Sociais do Concello da Guarda informa da apertura dun proceso extraordinario de admisión na Escola Infantil Municipal, que permitirá cubrir un total de 15 prazas vacantes en diferentes aulas e modalidades de xornada.
O proceso abrirase o 1 de outubro de 2026 e as familias interesadas poderán presentar as súas solicitudes ata o 7 de outubro, incluído.
As prazas dispoñibles distribúense do seguinte xeito:
- Aula de 0-1 anos: 4 prazas a xornada completa.
- Aula de 1-2 anos: 2 prazas a xornada completa e 1 praza en xornada de tarde.
- Aula de 2-3 anos: 8 prazas a xornada completa.
As nais, pais ou persoas titoras dos nenos e nenas interesados deberán presentar a correspondente solicitude dentro do prazo establecido.
Para obter máis información sobre o proceso extraordinario de admisión, as familias poderán dirixirse ao Departamento de Servizos Sociais do Concello da Guarda, en horario de 9:00 a 14:00 horas.
