- O mércores 14 de outubro técnicos municipais trasládanse ao entorno Casa Veciñal de Cans para axudar á cidadanía afectada a encher al alegacións
- O goberno local achega este recurso ás persoas afectadas polo tramo aéreo que cruza o municipio entre Cans e Santa María, cuxo prazo de presentación permanece aberto ata o 20 de outubro.
- En paralelo creouse un grupo de traballo para tentar buscar alternativas e minimizar afeccións
O Concello do Porriño pon a disposición dos veciños os medios para achegar as alegación á alternativa elexida da nova liña eléctrica de alta tensión a 220 kV “Atios-Pazos de Borbén”, promovido por Red Eléctrica de España. Un trazado que discurre case na súa totalidade por monte comunal e parcelas rústicas entre Cans e Santa María do Porriño, no entorno da Risca.
Esta medida ten como obxectivo facilitar que os particulares e colectivos do municipio afectados poidan formalizar o seu rexeitamento ao trazado aéreo proxectado. O modelo de alegacións está dispoñible dende fai dúas semanas en formato descargable na páxina web municipal para a súa tramitación, pero para resolver calquera dúbida sobre a cumprimentación ou presentación do documento, o Concello pon a disposiciñon da veciñanza este mércores 14 de outubro na Asociación de Veciños de Cans os medios para cumplimentar e presentar esas alegacións. Ata alí trasladarase a caravana municipal con técnicos municipais para prestar asesoramento directo á veciñanza. O prazo para a presentación de alegacións permanecerá aberto ata o 20 de outubro.
Fronte común e alegacións do Concello
Esta iniciativa súmase ás alegacións formais xa presentadas polo propio Concello do Porriño ante o Departamento Territorial de Pontevedra da Consellería de Economía e Industria, nas que o alcalde, Alejandro Lorenzo, en representación do goberno municipal, esixe a paralización da autorización previa e o soterramento integral dos 1,89 quilómetros de liña aérea que discorren polo municipio.
O goberno local considera discriminatoria a solución técnica proposta, xa que mentres no Porriño o trazado se deseñou en superficie afectando a parcelas de Santa María do Porriño e Cans, en concellos veciños como Mos e Vigo contémplanse preto de 13 quilómetros soterrados.
Así mesmo, a administración local e o Consorcio de Augas do Louro —que tamén tramitará alegacións— alertan do risco que o proxecto supón para o xa degradado acuífero Aluvial do Louro e para 17 captacións de auga subterránea destinadas ao consumo humano situadas nun radio de 100 metros arredor das torres. Entre elas atópase a captación ‘Carreira 2’, ubicada dentro da propia zona de obras.
Alegacións veciñais
O modelo de alegacións veciñais céntrase en que o estudio de impacto ambiental presenta carencias en varios aspectos relevantes, como utilizar como único factor o económico para definir o proxecto ou que na avaliación de impacto ambiental non se inclúe a información respecto do trazado soterrado e non se tiveron en conta os aproveitamentos forestais ademáis de que o propio promotor recoñece que a alternativa de trazado seleccionada é, en criterios hidrolóxicos, a peor das tres alternativas estudadas, sen que esta circunstancia fose obxecto de ponderación diferenciada para o termo municipal do Porriño.
Outro dos arguméntos destas alegacións céntrase en que o proxecto presentado supon unha afección importante sobre os usos forestais tradicionais e sobre os valores produtivos, ecolóxicos, paisaxísticos e sociais xa que a alternativa seleccionada atravesa o municipio de O Porriño por terreos forestais de elevado valor produtivo, ecolóxico, paisaxístico e social que non se tiveron en conta na avaliación. Ademáis argúmentase que non existe unha análise real das alternativas que contemplen diferentes opcións tanto tecnolóxicas como de trazado da liña.
Por todo iso, pídese que sexa denegada a autorización e a declaración de utilidade pública solicitada do proxecto polas omisións e deficiencias que presenta o Estudo de Impacto Ambiental ou, subsidiariamente, que sexan introducidas as modificacións oportunas na avaliación de impacto e lle sexa requirido ó promotor un novo estudo de variantes do proxecto.
