- Instalarase na rúa Rosalía de Castro, diante do Centro Cultural, en horario de 10:15 a 14:00 e de 16:30 a 21:00 horas
A unidade móbil da Axencia de Doazón de Órganos e Sangue regresa esta semana á Guarda para facilitar a doazón de sangue e contribuír a manter as reservas necesarias para atender a actividade asistencial dos hospitais galegos.
A unidade móbil estará instalada o venres, 30 de outubro, en horario de 10:15 a 14:00 e de 16:30 a 21:00 horas, na rúa Rosalía de Castro, diante do Centro Cultural.
Dende a Axencia de Doazón de Órganos e Sangue lembran a importancia de doar para garantir a dispoñibilidade de compoñentes sanguíneos, imprescindibles para intervencións cirúrxicas, tratamentos oncolóxicos, transplantes, urxencias e outras necesidades médicas.
Lembrade que hai uns requisitos mínimos para poder doar, como ser maior de idade e pesar máis de 50 quilogramos. Ademais, recoméndase acudir ben hidratado e non estar en xaxún.
