Esta mañá o auditorio da Casa da Navegación de Baiona acolleu unha xornada de presentación-atopo de profesionais con mozas á busca de emprego.
O alcalde de Baiona, Jesús Vázquez Almuiña, exerceu de anfitrión no evento e participou na presentación xunto con la Directora Xeral de Xuventude #da Xunta de Galicia, Lara Meneses Álvarez, o Secretario Xeral Accidental da Cámara de Comercio de Santiago, Fernando Pérez-Soba Aguilar.
O Concello de Baiona colabora #coa Xunta e a Cámara de Comercio de Santiago de Compostela na organización desta xornada “Desafío Jovens: Conexións que impulsan”, unha iniciactiva dirixida a axudar á mocidade á procura de emprego.
A proposta inclúe networking profesional e achega á mocidade ás organizacións e a diferentes profesionais. Ao longo de catro horas as persoas participantes descubrirán recursos formativos e de orientación laboral. Tamén xerarán novas redes de colaboración para abrir portas ao emprego.
O alcalde sinala que “o Concello de Baiona ten como prioridade a formación, especialmente dos mozos, para aumentar o emprego”.
A celebración desta xornada en Baiona permite achegar ao municipio recursos de orientación e desenvolvemento profesional vinculados a un proxecto de cooperación transfronteiriza. O Concello participa como entidade colaboradora neste punto de encontro activo entre persoas á busca de emprego, entidades de formación e organizacións crave.
A iniciativa traballa no desenvolvemento de competencias transversais, a innovación, o emprendemento e a mobilidade laboral para favorecer o acceso da mocidade a un emprego de calidade.
Esta acción enmárcase no proxecto de cooperación transfronteiriza Desafíos Jovens, liderado pola Dirección Xeral de Xuventude #da Xunta de Galicia, que busca promover a inserción laboral da mocidade na Eurorrexión Galicia-Norte de Portugal.
Organizado #pola Xunta e a Cámara de Comercio de Santiago de Compostela, este proxecto está cofinanciado nun 75% polo fondo Europeo de Desenvolvemento Rexional (FEDER/FEDER), no marco do programa Interreg VI-España-Portugal (POCTEP) 2021-2027.
