- A actuación inclúe a renovación do parque infantil da praza e a creación de máis de 700 metros cadrados de novas beirarrúas
O Concello de Pazos de Borbén acaba de iniciar as primeiras tarefas para levar a cabo a humanización da contorna da Casa do Concello e o Pavillón municipal de Deportes. Unha mellora coa que o goberno local pretende mellorar a seguridade viaria dos usuarios do centro deportivo, o colexio, o centro de saúde e a propia Casa do concello. A actuación conta cun orzamento total de execución de 101.761,90€.- Os traballos de humanización consistirán na creación de máis de 700 metros cadrados de novas beirarrúas no punto que máis os servizos públicos aglutina do municipio. Para iso, xa se iniciaron os primeiros traballos de instalación dos colectores e conducións para o sistema de drenaxe e evacuación de augas pluviais.
- Unha vez finalizada a instalación do sistema de drenaxe instalaranse as novas beirarrúas, que contarán cunha base de formigón e lousas de granito. Os materiais utilizados en toda a humanización serán similares aos existentes no resto da urbanización actual para conseguir a maior homoxeneidade posible con todo o conxunto.
- A urbanización completarase coa instalación de cinco novas luminarias de baixo consumo, unha balaustrada rústica de madeira de máis de 200 metros de longo como elemento de seguridade perimetral, e o resto do mobiliario público habitual como bancos e papeleiras.
- O alcalde de Pazos de Borbén, Andrés Iglesias, destacou que esta humanización está incluída no plan de mellora de infraestruturas local, unha planificación na que tamén se incluía a mellora do revestimento da Casa do Concello. “Aos poucos estamos a renovar e actualizando a imaxe e a funcionalidade de toda a praza. Esta mellora supoñerá un avance para os usuarios de todos os servizos públicos da contorna, que son practicamente todos os veciños”, finalizou Iglesias.
Mellora parque infantil - Ademais da humanización da contorna, o Concello de Pazos de Borbén estableceu como unha mellora no prego de condicións do concurso público a inclusión da renovación do parque infantil situado na Praza do Concello. Desta maneira, a actuación levará a cabo nas próximas semanas e incluirá a renovación de todos os elementos do parque de xogos e a substitución de todo o pavimento, xa deteriorado polo uso e a climatoloxía.
Pazos de Borbén inicia os traballos de humanización da contorna do concello e o pavillón de deportes
- Anuncio -
Relacionadas
Os deputados Javier Tourís e Marcos Guisasola acoden á igrexa do mosteiro da Armenteira,...
Os deputados provincias Javier Tourís e Marcos Guisasola estiveron este domingo na igrexa do mosteiro da Armenteira. A coñecida como “catedral do Salnés” volve...
O Concello de Nigrán completará neste ano o empedrado do núcleo histórico de Chandebrito...
Rematarase o adoquinado da rúa Igrexa e se extenderá ao Camiño das Pedreiras e Buenos Aires. Ademais, melloraranse os camiños das Eiras e Soeiro...
A Deputación concede preto de 30.000 euros ao Concello de Campo Lameiro para dotar...
Trátase de recursos do Plan Extraordinario de Infraestruturas Deportivas que distribuíu xa máis de 2,4 millóns de euros entre concellos da provincia de menos...
Tomiño intensifica a loita contra os incendios coa apertura de case 500 expedientes para...
No 2023 tramitáronse 174 denuncias que afectaban a 497 parcelas. A maioría dos expedientes resolvéronse enviando unha soa notificación
O Concello ten un programa único...
Luis López amosa o apoio da Deputación ao BM Porriño, que busca o pase...
O presidente da Deputación de Pontevedra, Luis López, e a vicepresidenta Luisa Sánchez asisten no Pavillón Municipal do Porriño ao partido de ida das...
Corte de tráfico por obras de asfaltado no camiño da Quirincosta
A concellería de Infraestruturas e Sostibilidade, que dirixe Roberto Villar, advirte que o vindeiro luns, 6 de maio, estará cortado ao tráfico o camiño...