test
Home A Coruña A literatura, protagonista en Cariño este venres coa presentación de dous libros

A literatura, protagonista en Cariño este venres coa presentación de dous libros

- Anuncio -

• As obras son O secreto de Andrea, de Isabel Ramos Breijo, e As tribulacións de Bruno Lamas de Juan Galán

• A primeira fala da Galicia rural, mentres que a segunda nos retrotrae aos anos 70 na cidade da Coruña

• Terán lugar no local social do Concello a partir das 19:30 horas


Este venres, 5 de abril, o local social do Concello de Cariño acolle a presentación de dúas obras literarias: ‘O secreto de Andrea’, escrita por Isabel Ramos Breijo e ‘As tribulacións de Bruno Lamas’, narrada por Juan Galán.
A actividade, que conta coa colaboración do editorial Círculo Rojo, dará comezo ás 19:30 horas e contará coa presenza de ambos os autores.
Isabel Ramos, natural de Ortigueira, é unha amante da escritura, que empezou a súa carreira como literata na revista Amigos da poesía e a literatura de Narón. Ademais, adoita colaborar en distintos talleres literarios como Pluma Acesa.
‘O secreto de Andrea’ narra a historia de Paula e Andrea nun pobo galego ao redor de misterios e desaparicións. Un thriller que ten como pano de fondo a vida no rural.
Pola súa banda, Juan Galán é un autor coruñés que fundou e presidiu a ONG Ecos do Sur. Iniciou a súa carreira literaria na novela histórica con ‘Romanza dos naranjos en flor’ e ‘As tribulacións de Bruno Lamas’ é xa a súa terceira novela.
‘As tribulacións de Bruno Lamas’ conta a historia dun xornalista que traballa na cidade da Coruña a finais dos 70. Unha especie de antihéroe que nos relata a degradación persoal, a crónica social e política dun tempo convulso e a investigación dun naufraxio ocorrido 50 anos atrás na costa galega.
Desde o Concello de Cariño animan a todas as persoas amantes da lectura para achegarse este venres ata o local social municipal para gozar das presentacións destes libros e coñecer máis sobre as súas obras, así como tamén outros datos de interese que poidan brindar os escritores.

Relacionadas

A Xunta apoia a celebración do Noia Harp Fest para seguir diversificando a oferta...

0
O director de Turismo de Galicia presenta esta cita única no mundo especializada na arpa que reunirá artistas de Alemaña, Escocia, Francia, Senegal e...

Unhas 140 crianzas e persoas adultas participan nas exhibicións do acto de clausura das...

0
Un total de 140 nenos, nenas e persoas adultas participaron nas exhibicións da festa de clausura das Escolas Deportivas Municipais de Frades 2023/2024, un...

Ciclo “Mes e Pico”: unha vintena de persoas participa nunha visita xeolóxica pola contorna...

0
Unha vintena de persoas participaron este sábado no paseo xeolóxico pola contorna do Pico Sacro, unha iniciativa incluída na programación do ciclo “Mes e...

A Escola Municipal de Ballet estrea o vindeiro sábado “Bailadoras” no novo auditorio

0
A concelleira de Educación, Cruz Rivadulla e a profesora da Escola Municipal de Ballet, Cristina Riveiro presentaron hoxe “ Bailadoras”, unha coreografía que fará...

San Sadurniño licita a subministración eléctrica da rede de iluminación pública e das dependencias...

0
O Concello de San Sadurniño acaba de licitar, por primeira vez na súa historia, a contratación do abastecemento eléctrico de toda a rede de...

Inaugurada a exposición sobre Juana de Vega no Centro Sociocomunitario de Caión

0
Poderase visitar ata o 28 de xuño, esta semana pola mañá e a próxima, pola tarde. A exposición itinerante “Juana de Vega, condesa de Espoz...

Publicacións Relacionadas