• A rede CeMIT e o centro Aspromor colaboraron na realización do taller ‘Inicio ó voo dun Dron’
• Durante un mes, os estudantes de máis de 55 anos aprenderon achega da pilotaxe destes aparellos para, despois, explicarlles a forma de proceder ao centro
Alumnos de máis de 55 anos que, desde cero, aprenden para exercer como profesores. Esa foi a iniciativa ‘Inicio ó voo dun Dron’, que o pasado xoves finalizou en Ortigueira e implicou a usuarios da aula CeMIT da localidade e do centro Aspromor.
A través deste taller, os alumnos de máis de 55 anos de CeMIT aprenderon desde cero a manexar un dron. Para iso, durante o mes de marzo, traballaron nun temario no que constaban ‘materias’ como o despegamento do aparello, a aterraxe ou o gravado de fotos e vídeos.
Unha vez asentados eses conceptos teórico-prácticos, durante o mes de abril eses mesmos alumnos desprazáronse a Aspromor para exercer como formadores. Así, explicaron aos usuarios do centro as pautas adquiridas previamente para exercer unha pilotaxe básica.
Así, con esta actividade, a aula CeMIT e Aspromor continuaron a súa colaboración. Unha colaboración baseada na integración que xerou que dous grupos do concello de Ortigueira compartisen coñecementos e tempo xuntos, aprendendo así os uns dos outros.
