Home A Coruña As bibliotecas de Carballo acadaron o ano pasado os 22.309 préstamos e...

As bibliotecas de Carballo acadaron o ano pasado os 22.309 préstamos e gañaron 679 persoas usuarias

- Anuncio -

Coincidindo co Día do Libro presentamos os tres servizos que dependen da área de Bibliotecas e Arquivos cun vídeo protagonizado polo persoal que os atende

s bibliotecas de Carballo téñense convertido non só nun punto de acceso a todo tipo de publicacións editoriais, senón tamén en importantes centros de dinamización cultural e social, como reflicten as 144 actividades que acolleron ao longo do ano 2023 e nas que participaron un total de 6.643 persoas.

As visitas quincenais dos Ratos de Lonxedetodo, os concertos do Curruncho Pop, a PLIC ou a multitude de actividades infantís que se desenvolven arredor da Semana do Libro e a Lectura, como podemos comprobar estes días, forman parte do ADN das nosas bibliotecas, pero se ata agora este tipo de propostas alternativas se concentraban na Biblioteca Rego da Balsa, o ano pasado marcou un antes e un despois co “contaxio” da Biblioteca da rúa San Xoán, da que tamén parten cada vez máis iniciativas.

As dúas bibliotecas, xunto co arquivo municipal, que vén de ser renovado dentro dun proceso de transformación e modernización, constitúen unha referencia que vai moito máis alá do ámbito comarcal, como se puxo de relevo no 2023 coa concesión dun novo Premio María Moliner á programación anual da Rego da Balsa. E para que siga sendo así, desde a Concellaría de Bibliotecas, Arquivos e Normalización Lingüística xa se están a marcar novos obxectivos, como a consolidación dos tres clubs de lectura que temos en marcha nestes momentos, a mellora da dotación tecnolóxica das instalacións a creación da sección “Outros idiomas” como novo recurso de acceso público ou a creación da sala-exposición Xoán López Eirís de teatro.

Porque o gran obxectivo, como explica a concelleira de Bibliotecas, Arquivos e Normalización Lingüística, Ángeles Pacoret, é achegar a cultura a todos os públicos, a esas 9.616 persoas que xa teñen o carné da biblioteca e a moitas máis. De feito, o ano pasado incrementouse a listaxe de abonados en 679 persoas, pero o número de visitantes que pasaron polas dúas instalacións municipais chegou a 43.041, aos que se suman as 5.501 consultas a través da internet.

As bibliotecas de Carballo poñen a disposición da veciñanza 44.433 libros, e moito máis: videoxogos, películas, xornais, revistas, ordenadores… e diferentes espazos nos que pode pasar calquera cousa. A actividade traspasa incluso os muros do moderno edificio da Rego da Balsa ou do histórico inmoble da rúa San Xoán, chegando nos veráns ata a praia ou durante todo o ano ao mercado municipal, onde hoxe mesmo, coincidindo do Día do Libro, estreamos un novo punto de troco de libros. Exemplares que están a disposición de todo o mundo para coller, levar e devolver ou cambiar por outros, de xeito libre e gratuíto.

Se queres saber máis, bótalle unha ollada a este vídeo ou contacta coas nosas bibliotecas:

Biblioteca Municipal da rúa San Xoán Bautista (09.00 a 20.30 h, de luns a venres):

Biblioteca Municipal Rego da Balsa (de 09.30 a 20.00 h, de luns a venres, e de 10.00 a 13.00, os sábados):

  • Teléfono: 981 75 85 80
  • Correo electrónico: biblioteca@carballo.gal

E se queres consultar o catálogo de material dispoñible, entra aquí: https://catalogo-rbgalicia.xunta.gal/

Relacionadas

Accidente de tráfico na AC-231 ao seu paso polo concello de Sobrado dos Monxes

0
Os bombeiros do parque comarcal provincial de Arzúa foron alertados ao redor das 12:30 horas deste mediodía dun accidente de tráfico acontecido na estrada...

A Concellaría de Bibliotecas crea na zona de pediatría do centro de saúde o...

0
O obxectivo da iniciativa é intensificar o labor de animación á lectura que se realiza durante todo o ano desde o Concello de CarballoAdemais...

A alcaldesa de Cariño recibe ao novo capitán da Garda Civil da zona

0
Caixa de entrada Ártabra Comunica Anexos mar., 28 de maio, 16:20 (hai 19 horas) para cco: redaccion.galicianorteacoruna Boas tardes, adxunto foto de: A alcaldesa...

A Xunta inviste preto de 1,8 M€ nas obras de mellora da rede de...

0
Os traballos, que rematarán a finais de ano, beneficiarán a dous núcleos de poboación e supoñen a dotación dunha estación depuradora, a instalación dunha...

Concello e movemento asociativo colaboran no programa de actividades “Primavera en Baldaio”

0
Regueifa, música, cine, xogos, charlas e rutas integran unha proposta que se levará a cabo nos centros sociais de Lema e Imende Grazas á colaboración...

O Xeoparque Cabo Ortegal prepárase para o acto central conmemorativo do seu aniversario

0
O acto celebrarase o venres á tarde na Casa da Cultura de Valdoviño, na véspera dunha nova fin de semana de actividades gratuítas abertas...

Publicacións Relacionadas