test
Home A Coruña Augas de Galicia estudará a posibilidade de habilitar un paso peonil pola...

Augas de Galicia estudará a posibilidade de habilitar un paso peonil pola ponte da Lagoa

- Anuncio -

O alcalde e a enxeñeira municipal participaron na xuntanza da comisión de seguimento do convenio asinado entre o organismo autónomo e o Concello

O alcalde, Evencio Ferrero, e a enxeñeira municipal Lorena Castrillón participaron este mércores na xuntanza da comisión de seguimento do convenio asinado entre Augas de Galicia e o Concello de Carballo para o desenvolvemento das obras incluídas no plan de prevención do risco de inundación nas ribeiras do Anllóns.

O tema central da reunión, solicitada polo goberno municipal, foi a situación das obras da ponte da Lagoa e a solicitude, avalada coas sinaturas de 45 empresas e 225 particulares dese ámbito, para a instalación dunha pasarela peonil á altura do aparcadoiro do supermercado Gadis que facilite o tránsito entre ámbalas marxes do río nese punto. Por parte de Augas de Galicia formulouse como alternativa a posibilidade de habilitar un paso peonil pola propia ponte, pero a decisión tomarase en función da valoración que realice a dirección de seguridade e saúde da obra.

Por parte do Concello de Carballo agárdase que a decisión sexa o máis rápida posible e que, en calquera caso, desde Augas de Galicia se dea resposta ás demandas que veñen facendo a veciñanza e o comercio.

O organismo autónomo estivo representado na xuntanza por un técnico, que levantou acta, e polo propio director de Augas de Galicia, Agustín Hernández, que tamén informou sobre o estado das cinco obras incluídas no convenio entre ámbalas dúas administracións. En concreto, segundo comentou, na ponte da Lagoa está pendente unha autorización da empresa de gas para poder acometer as actuacións necesarias.

Dos cinco proxectos previstos xa hai un executado e recepcionado, o bypass do Muíño do Quinto, e outro practicamente rematado, a reforma do San Martiño. Con respecto á ponte da Casilla, a empresa pretendía iniciar os traballos a mediados de xuño, pero desde o Concello de Carballo optouse por adiar o inicio ata o 1 de xullo para non entorpecer a mobilidade durante as festas de San Xoán. En canto á mellora hidráulica do Anllóns na Cepeira, segundo indicaron desde Augas de Galicia, é unha obra con gran complexidade técnica e non se prevé o seu inicio ata o ano 2025.

Relacionadas

San Sadurniño reivindicará o venres e o sábado a liberdade de ser e sentir

0
O Concello e a Asociación Cultural Brío promoven varias actividades co gallo do 28X, Día Internacional do Orgullo LGTBI+ O 28 de xuño celébrase o...

O Concello presenta un amplo programa de actividades culturais e deportivas para o verán

0
• A XXIII Feira dá Cebola Chata de Miño, a III Feira dá Cultura EnCamiño, cinema ao aire libre, exposicións, concertos ou cursos deportivos...

O Concello reclama á Xunta que non elimine frecuencias de autobús no norte do...

0
A acertada decisión de estender ata as localidades de Dexo e Lorbé a liña de transporte público B-9 que finaliza en Mera, resulta insatisfactoria...

O Concello renova o convenio nominativo coa Asociación Ecos do Sur para mellorar a...

0
A entidade recibirá 25.000 euros da área de Emprego para os seus programas de inserción laboral A alcaldesa, Inés Rey, e a presidenta da Asociación...

Máis de 160.000 persoas celebran o San Xoán nas praias e rúas da cidade

0
Os futbolistas do Dépor Lucas Pérez e Henar Muiña, con Carlos Ballesta, familiares de Luisa Villalta e Alenjandro Hernández do Básquet Coruña, acenderon a...

Arde un vehículo na urbanización Riotorto, na parroquia de San Xoán, en Carballo

0
Os bombeiros do parque Comarcal Provincial de Carballo foron alertados hoxe, domingo 23 de xuño, ás 00:45 horas, dun vehículo ardendo na urbanización Riotorto,...

Publicacións Relacionadas