Home A Coruña Cariño potenciará os seus recursos portuarios co proxecto de case 800.000 euros...

Cariño potenciará os seus recursos portuarios co proxecto de case 800.000 euros que a Xunta investirá neste 2024

- Anuncio -

• O conselleiro do Mar en funcións, Alfonso Villares, visitou esta tarde o municipio para anunciar o plan de dragaxe, que xa está en fase de licitación

• “Estes traballos supoñerán un enorme impulso para o noso porto, que mellorará en operatividade polo aumento de calado e, ademais, contará cunha contorna máis accesible”, apunta a alcaldesa cariñesa, Ana María López

Cariño potenciará os seus recursos portuarios cun proxecto de investimento de case 800.000 euros. Así o confirmou esta tarde o conselleiro do Mar en funcións, Alfonso Villares, durante a súa visita á localidade.

A alcaldesa de Cariño, Ana María López, exerceu de anfitrioa con Villares e o presidente de Portos de Galicia, José Antonio Álvarez. No devandito encontro, o conselleiro recalcou o firme compromiso da Xunta de Galicia de investir preto de 800.00 euros en varios proxectos dentro da instalación do porto de Cariño.

O máis importante será a dragaxe, que contará cun orzamento de 677.000 euros e xa está en fase de licitación. Segundo indicou Villares, os traballos consistirán na extracción de máis de 20.000 metros cúbicos de area de dúas zonas do porto: a rampla de varada e a zona dos peiraos de atracada comercial interiores.

A maiores, están previstas dúas actuacións máis para este ano. Unha delas consistirá na renovación do firme da glorieta de acceso ao porto e de zonas concretas do seu interior. A outra, a instalación de 49 novas luminarias que funcionarán con tecnoloxía LED de maneira automática e substituirán ás vellas.
“Estes traballos supoñerán un enorme impulso para o noso porto, que mellorará en operatividade polo aumento de calado e, ademais, contará cunha contorna máis accesible”, apuntou a alcaldesa cariñesa, Ana María López.

A rexedora quixo agradecer a “ambiciosa” aposta da Xunta de Galicia por Cariño e recalcou a enorme importancia que ten “o continuo intercambio de diálogo para atraer investimento doutras administracións ao municipio”. Neste sentido, quixo lembrar que as arcas municipais acaban de aforrarse unha cantidade próxima aos 100.000 euros na renovación da ETAP de Ou Castro grazas ao convenio asinado polo seu equipo de goberno con Augas de Galicia.

Relacionadas

Inés Rey anima aos 2.500 médicos do XXX Congreso Nacional de Medicina Xeral e...

0
“Os médicos de familia sodes os profesionais máis próximos ao paciente”, sinalou a alcaldesa durante a inauguración A alcaldesa da Coruña, Inés Rey, presidiu a...

Persoa excarcerada nun accidente de tráfico na DP-0701, ao seu paso polo Concello de...

0
Os bombeiros do parque Comarcal Provincial de Santa Comba foron alertados ao redor das 14:22 horas deste mediodía dun accidente de tráfico na estrada...

Ponteceso aproba o pago de facturas de gastos correntes por valor de máis de...

0
 O pleno, cos votos favorables de PP, PG, AP e PSdeG, aceptou pór en marcha este recoñecemento extraxudicial de crédito  Durante a sesión...

As persoas interesadas en realizar unha fogueira en San Juan deberán avisar con polo...

0
• Non se poderán realizar lumes nas praias nin as zonas verdes contiguas a estas. A próxima fin de semana celébrase a festividade de San...

A Coruña será o epicentro do tríatlon nacional coa celebración das probas Sprint e...

0
O concelleiro de Deportes, Manuel Vázquez, recibiu á organización da proba, que se disputa esta fin de semana no Parrote con 2.200 deportistas confirmados O...

Recollida Bandeira Azul

0
O alcalde, José Manuel López Varela, e os concelleiros José Ramón Martínez Barbeito e Patricia Bello, recibiron hoxe de mans da conselleira de Medio...

Publicacións Relacionadas