Home A Coruña Deputación da Coruña e Concello de Carballo avanzan en novos proxectos de...

Deputación da Coruña e Concello de Carballo avanzan en novos proxectos de mellora da mobilidade na rede viaria provincial

- Anuncio -

A deputada de Infraestruturas Viarias e Obras, Mónica Rodríguez, realizou unha visita ás obras en marcha na estrada de Sísamo

A deputada provincial de Infraestruturas Viarias e Obras, Mónica Rodríguez, achegouse ata Carballo para visitar as actuacións que están en marcha na estrada de Sísamo e seguir avanzando en novos proxectos de mellora da mobilidade rodada e peonil na extensa rede viaria provincial que existe no noso concello.

Despois dunha xuntanza na que tamén participou o alcalde de Carballo, Evencio Ferrero, a deputada Mónica Rodríguez realizou unha visita ás obras acompañada polo seu antecesor no cargo, José Manuel Pequeño; o vicepresidente da Deputación e concelleiro de Promoción Económica e Turismo de Carballo, Xosé Regueira, e o concelleiro de Obras, Luis Lamas.

O proxecto de reurbanización da estrada de Sísamo parte do punto quilométrico 0+810, onde rematou a fase anterior, e continúa ata o final da vía no lugar do Outeiro (2+570). Ao longo destes 1.760 metros estase a levar a cabo unha actuación que permitirá mellorar e completar as infraestruturas de abastecemento e saneamento de auga, tanto no tramo máis urbano coma no rural, e adaptar á vía á mobilidade a un ou dous niveis, dependendo da zona.

A reforma integral deste treito da estrada provincial DP1901 ten un orzamento de 2.279.527,63 euros, financiados nun 72% pola Deputación da Coruña e nun 28% polo Concello. As obras son executadas pola empresa Vázquez y Reino.

Os traballos seguirán a mesa liña das fases anteriores: ancheamento e pavimentación da plataforma, construción de beirarrúas de baldosa hidraúlica cun ancho medio de 1,40 metros e dotación de servizos urbanos como saneamento e abastecemento de auga e alumeado con luminarias de LED de acero inoxidable. Tamén inclúen a instalación de mobiliario urbano e o axardinamento.

Despois de percorrer a estrada de Sísamo, representantes do Concello de Carballo e da Deputación desprazáronse ata a parroquia de Oza, na que está prevista a construción dunha senda peonil ao longo da estrada de Razo, e ademais achegáronse ata a Pedra do Sal, onde a gran demanda da veciñanza tanto da parroquia de Lema coma das de Noicela e Rebordelos é a ampliación da estrada de acceso á praia, dado o elevado volume de tráfico que ten, sobre todo no verán. Ámbalas dúas vías son de titularidade da Deputación da Coruña.

Relacionadas

Inés Rey anima aos 2.500 médicos do XXX Congreso Nacional de Medicina Xeral e...

0
“Os médicos de familia sodes os profesionais máis próximos ao paciente”, sinalou a alcaldesa durante a inauguración A alcaldesa da Coruña, Inés Rey, presidiu a...

Persoa excarcerada nun accidente de tráfico na DP-0701, ao seu paso polo Concello de...

0
Os bombeiros do parque Comarcal Provincial de Santa Comba foron alertados ao redor das 14:22 horas deste mediodía dun accidente de tráfico na estrada...

Ponteceso aproba o pago de facturas de gastos correntes por valor de máis de...

0
 O pleno, cos votos favorables de PP, PG, AP e PSdeG, aceptou pór en marcha este recoñecemento extraxudicial de crédito  Durante a sesión...

As persoas interesadas en realizar unha fogueira en San Juan deberán avisar con polo...

0
• Non se poderán realizar lumes nas praias nin as zonas verdes contiguas a estas. A próxima fin de semana celébrase a festividade de San...

A Coruña será o epicentro do tríatlon nacional coa celebración das probas Sprint e...

0
O concelleiro de Deportes, Manuel Vázquez, recibiu á organización da proba, que se disputa esta fin de semana no Parrote con 2.200 deportistas confirmados O...

Recollida Bandeira Azul

0
O alcalde, José Manuel López Varela, e os concelleiros José Ramón Martínez Barbeito e Patricia Bello, recibiron hoxe de mans da conselleira de Medio...

Publicacións Relacionadas