· O festival celebrarase no Campo dá Feira de Guísamo o sábado 22 de agosto e o concerto da banda está programado para as 19 horas.
Un dos referentes mundiais da música celta e tradicional, Luar na Lubre, únese á celebración do vixésimo quinto aniversario do festival Guísamo Folk, que se celebra no Campo dá Feira de Guísamo o sábado 22 de agosto.
A actuación no Guísamo Folk, que terá lugar ás 23.30 horas, enmárcase dentro da xira nacional e internacional coa que o grupo está a celebrar os seus 40 anos de andaina musical, unha traxectoria que os consolida como unha das formacións folk de maior repercusión en toda Europa. Neste aniversario, Luar na Lubre presentará o seu novo traballo discográfico, titulado LUBRE. 40 aniversario, un audiolibro que inclúe 13 temas inéditos e 30 colaboracións salientables.
Con 21 discos publicados, máis de 400.000 exemplares vendidos, dous Discos de Oro e nove Premios da Música, Luar na Lubre chega a Guísamo nun momento doce da súa carreira, tras ser galardoados recentemente coa Medalla Castelao 2025 da Xunta de Galicia en recoñecemento á súa exemplar traxectoria na promoción da cultura galega. Ao longo destas catro décadas, a banda superou os 2.500 concertos en máis de 60 países, demostrando que a súa forma de interpretar a música de raíz, abordada desde o respecto pero cunha perspectiva de modernidade, transcende fronteiras.
A actuación de Luar na Lubre promete ser un dos momentos máis vibrantes e multitudinarios dunha #vixésimo quinta edición do Guísamo Folk que pasará á historia por contar co cartel de concertos máis amplo ata a data, combinando a tradición con propostas contemporáneas e cheas de enerxía.
