– Ata 57 pilotos participarán nesta novena edición, que por terceiro ano consecutivo será puntuable para a FIA Eco Rally Cup.
– A grella de saída é de auténtico luxo, formando parte dela os tres últimos campións do mundo, os actuais líderes do mundial, múltiples campións de España e outras figuras recoñecidas no panorama nacional do mundo do motor.
O 10º Repsol EcoRallye A Coruña xa se puxo en marcha. Co arranque ás 15.00 horas das verificacións técnicas e administrativas, que se estenderán durante esta tarde, e a cerimonia de saída, que se realizará hoxe ás 20.30 horas, queda inaugurada a décima edición da proba de enerxías alternativas coruñesa, que por terceiro ano consecutivo é puntuable para a FIA Eco Rally Cup.
Nestes momentos, os 57 pilotos atópanse pasando as verificacións administrativas no hotel NH Finisterre e as técnicas no Parrote. Superado este trámite, mañá comezará o lume real coa saída do primeiro participante da praza de María Pita ás 9.00 horas.
Esta edición será a máis esixente ata a data xa que a caravana percorrerá 586,997 quilómetros, dos cales 425,507 (o 72,49%) serán cronometrados e puntuables ao longo de 14 tramos de regularidade que discorrerán por 35 municipios galegos, 33 da provincia da Coruña e dúas de Lugo, concretamente Muras e Xermade.
Desde o punto de vista deportivo, a carreira volverá ser puntuable por terceiro ano conse-cutivo para a FIA Eco Rally Cup e formará parte do Campionato de España de Enerxías Alternativas, ofrecendo un dos carteis de competidores máis prestixiosos do seu tra-yectoria ao reunir na Coruña aos tres últimos campións mundiais da especialidade: Guido Guerrini, Michal *Žďárský e Eneko Conde.
A eles unirase como gran atractivo o expiloto italiano de Fórmula 1 Stefano Modena, ou o recoñecido xornalista especializado en motor Albert Fábrega, xunto a recoñecidos especialistas do certame nacional como José Manuel Pérez Aicart, Laura Aparicio, Toni Luján, Shirley Fernández e José Manuel Pizarro.
A praza de María Pita acollerá esta tarde a saída protocolaria
A competición abrirase esta mesma tarde coa saída protocolaria desde María Pita ás 20.30 horas, que dará paso a dúas xornadas de carreira.
Venres 18 de setembro: os vehículos sairán de María Pita ás 09.00 horas rumbo a Fisterra. Antes de chegar, realizarán o primeiro dos tres reagrupamientos da xornada en Vimianzo. Despois chegarán a Fisterra sobre as 13.15 horas e permanecerán ata as 16.15, antes de emprender o camiño de regreso á Coruña, facendo o último reagrupamiento en Coristanco.
Sábado 19 de setembro: a segunda etapa comezará ás 9.00 horas en María Pita. Os equipos chegarán ás Pontes ás 12.10 horas para unha parada intermedia e regresarán á Coruña ás 18.15 horas, onde finalizará a proba. Posteriormente, sobre as 20.30 horas faranse oficiais as clasificacións finais e ás 22.00, despois da cea oficial, procederase á entrega de trofeos.
