O BNG celebra este luns un mitin electoral en Cabanas coa participación das súas candidaturas ao Congreso e ao Senado

Redacción

O encontro terá lugar ás 19:00 horas na Escola Laica, coas intervencións de Iago Varela, Pilar Louzao e Manuel Polo

O BNG celebrará mañá, luns 23, un mitin electoral en Cabanas no marco da campaña das eleccións xerais do vindeiro 29 de novembro. O acto terá lugar ás 19:00 horas na Escola Laica e contará coa participación de representantes das candidaturas nacionalistas ao Congreso e ao Senado.

Intervirán Iago Varela, candidato do BNG á Alcaldía de Cabanas; Pilar Louzao, candidata ao Senado, e Manuel Polo, candidato ao Congreso.

O encontro servirá para presentar as propostas do BNG para estas eleccións e abordar os principais retos de Galiza, así como a importancia de contar cunha voz propia no Estado para defender os intereses do país e os dereitos da maioría social.

O BNG anima á veciñanza de Cabanas e da contorna a asistir a este acto aberto ao público.

Comparte este artigo