O vindeiro mércores 6 de maio o Concello iniciará a obra do noiro de Naval. Dada a necesidade dunha grúa de grandes dimensións, haberá restricións ao aparcamento na zona, que serán debidamente indicadas.
Como consecuencia dos fortes e persistentes temporais deste inverno, quedou destruído o muro construído polo Concello no 1987 en Naval e produciuse un importante desprendemento de terra, duns 500 metros, polo que urxía realizar esta obra. O investimento será de 142.326,41 euros, que o Concello reclamará a Costas por non tratarse dunha competencia municipal.
