Home A Coruña Os clubs de lectura seguen a medrar en Carballo con dous novos...

Os clubs de lectura seguen a medrar en Carballo con dous novos grupos para rapazada e adolescentes

- Anuncio -

Este mes bota a andar o club para nenos/as de 7 a 12 anos e en abril arrincará outro para mozos/as de 13 a 17 anos

Din as estatísticas que España é un dos países europeos nos que menos se le, pero en Carballo estamos decididos a poñer o noso gran de area para que iso deixe de ser así.

Nestes momentos temos en marcha dous clubs de lectura, e pola gran acollida que tiveron ninguén diría que somos un país no que se le pouco, senón todo o contrario. O 8 de marzo arrincará o terceiro: un club de lectura en galego para nenos e nenas de 7 a 12 anos, que se encarga de dinamizar Sara Varela, mestra de educación infantil. As 15 familias participantes reuniranse o segundo martes de cada mes na Biblioteca Rego da Balsa para traballar arredor dos libros propostos dun xeito dinámico e lúdico. A primeira lectura será A lagoa das nenas mudas, de Fina Casalderrey. As prazas están cubertas pero, se queredes, podedes anotarvos para a listaxe de agarda no 981 758 580.

E para completar a oferta, en abril arrincará o club de lectura en galego para a mocidade, destinado a adolescentes de 13 a 17 anos. Os/as participantes reuniranse tamén o segundo venres de cada mes, ás 19.00 horas, e porán en común as súas impresións sobre os libros que vaian lendo. As sesións serán dinamizadas pola educadora social Ángela Criado. Os mozos e mozas que queirades sumarvos aínda estades a tempo. Chamade ao 981 758 580 e inscribídevos antes de que se esgoten as prazas!

A estes dous clubs de lectura impulsados desde a Concellaría de Normalización Lingüística, Bibliotecas e Arquivos súmanse outros dous dirixidos a maiores de 18 anos. Na Biblioteca Rego da Balsa reúnense de xeito quincenal as persoas participantes no club de lectura en galego e castelán que dirixe a xornalista e escritora Marta Villar. As vinte prazas están cubertas desde o primeiro día, e son moitas as persoas que veñen repetindo un ano tras outro.

Este ano engadimos un segundo club de lectura para persoas adultas, neste caso centrado en obras en galego, que dinamiza a libreira e blogueira Belén Edreira. Neste caso, o punto de encontro é o Museo de Bergantiños, no que se celebrou este venres unha nova sesión, moi participativa, na que se falou do libro Flores de ferro, da larachesa María Rei. O próximo será Aqueles dias en que eramos malas, de Inma López Silva.

Relacionadas

Unha pulitzer de poesía, un consagrado romanés e unha colombiana xunto a novas voces...

0
O terceiro e último trimestre de recitais comezará este luns 22 de abril, con Dinu Flamand e Lois Diéguez ás 20.00 horas no Ágora Seguiranlle...

O Concello remata as melloras da área canina do parque de Santa Margarida, aumentando...

0
A actuación supuxo a creación dunha nova entrada ao parque desde a rúa San Mateo, melloras do terreo e unha reforma do acceso O Concello...

Directivos e técnicos da empresa líder de auga e saneamento de Portugal visitan as...

0
O alcalde de Carballo, Evencio Ferrero, recibiu a unha delegación de directivos e técnicos das empresas Gestagua e Aquapor, lider na xestión de concesións...

O BNG pide medidas para acabar cos roubos en instalacións municipais

0
Convocar a Xunta Local de Seguridade sería o primeiro paso Numerosos roubos sucédense en centros sociais e escolas do rural nos últimos meses Nos últimos meses...

O camiño da diabetes amósase en formato de exposición fotográfica na Pobra

0
A Orixe: a diabetes, un camiño de vida. Este é o nome da exposición fotográfica que chega á casa da cultura Raquel Fernández Soler...

Inés Rey reivindica o valor para a cidade da Escola Municipal de Música na...

0
“A esencia desta institución non é só formar músicos, senón tamén persoas”, dixo a alcaldesa A alcaldesa da Coruña, Inés Rey, interveu esta tarde na...

Publicacións Relacionadas