test
Home Deputacións Deputación Pontevedra A Deputación abre este luns o prazo para inscribirse na quinta ruta...

A Deputación abre este luns o prazo para inscribirse na quinta ruta ornitolóxica de “Voando nas Rías Baixas”

- Anuncio -

A ruta, impulsada pola institución da man de SEO/BirdLife, terá lugar o 23 de xuño e permitirá observar aves na contorna da praia da Lanzada, nos concellos de Sanxenxo e O Grove

A Deputación de Pontevedra abre este luns 10 de xuño, ás 9:00 horas, o prazo de inscrición para participar na quinta ruta ornitolóxica do programa “Voando nas Rías Baixas”. Esta nova actividade impulsada pola institución provincial da man de Seo/BirdLife terá lugar o domingo 23 de xuño na contorna da praia da Lanzada, nos Concellos de Sanxenxo e O Grove. As solicitudes permanecerán abertas ata o 21 de xuño  ás 12:00 horas ou ata completar a capacidade (25 prazas).

A praia da Lanzada é un dos últimos redutos da nosa provincia onde nidifica a píllara das dunas, unha ave que se enfronta a un risco moi alto de extinción. Deste xeito, a través de telescopios e prismáticos e mantendo unha distancia prudencial, as persoas participantes poderán ver os niños, protexidos con gaiolas e balizas, e as familias de píllaras cos seus adorables paxariños que corrican pola area. Ademais, tamén se explicará ás persoas participantes os problemas aos que se enfronta cada ano esta ave protexida para reproducirse con éxito nos areais das Rías Baixas.  

As persoas interesadas en participar poderán facelo a través do formulario publicado no portal web da Deputación. Poderase anotar a persoa solicitante xunto cun máximo de tres acompañantes. O percorrido, ofrecido por guías de ornitoloxía de SEO/BirdLife, inclúe un autobús tanto para o desprazamento como para a visita da zona na que ten lugar a actividade. Recoméndase levar roupa cómoda e calzado apropiado, e cada participante terá á súa disposición prismáticos e dous telescopios terrestres de alta gama para poder observar as aves sen molestalas. Ademais, entregaráselle cadansúa guía.

O programa “Voando nas Rías Baixas” contempla en 2024, ademais dos catro percorridos xa realizados e este pola praia da Lanzada, outras dúas rutas ornitolóxicas por diferentes espazos da provincia de alto valor ecolóxico ou protexidos pola Rede Natura 2000: en setembro nas lagoas de Rouxique (Sanxenxo) e en novembro no esteiro do río Miño (A Guarda).

Relacionadas

A Deputación concentra no Museo de Pontevedra a protagonistas do retorno dos restos de...

0
A xornada desenvolverase o venres 28 de xuño, coa participación de Tareixa Navaza, Javier Baltar, Henrique Monteagudo, Xan Carballa e Xosé Enrique Acuña A conmemoración...

A Deputación acolle ata o vindeiro venres no Pazo provincial a exposición “A Galicia...

0
A mostra, promovida pola Asociación de Periodistas de Galicia e o Colectivo de Fotoxornalistas de Galicia, recolle 73 fotografías, inéditas ou publicadas, realizadas por...

A Deputación ten aberto ata o mércores 3 de xullo o prazo para presentar...

0
Por vez primeira a institución provincial premiará os mellores proxectos da provincia a favor da igualdade de xénero e contra a violencia machista, que...

A Deputación presenta este martes no edificio do Arquivo a publicación “Xulio Gil. Insercións”

0
A presentación terá lugar ás 19:30 horas e contará coa participación do vicepresidente provincial Rafa Domínguez A Deputación presenta este martes, 25 de xuño, ás...

O BNG solicita medidas de control de tráfico na rúa do Sol

0
Nos últimos anos, foron múltiples as veces que o BNG solicitou ao goberno municipal tomar medidas urxentes para o control de tráfico na rúa...

En xullo arranca “Verán con sabor” a guía gastronómica que premia os consumidores

0
Durante os meses de xullo, agosto e setembro aquelas persoas que consuman na hostelería de Salvaterra de Miño poderán optar a máis de 40...

Publicacións Relacionadas