Home Pontevedra A Lama A Deputación aproba as primeiras achegas do Plan +Provincia: 800.000 € para...

A Deputación aproba as primeiras achegas do Plan +Provincia: 800.000 € para que sete concellos contraten a 81 persoas desempregadas

- Anuncio -

“En menos dun mes dende que abrimos o prazo para solicitar fondos do +Provincia estamos xa a destinar recursos aos concellos, para seguir dando pasos nese modelo de pontes tendidas e de avance para o conxunto da provincia”, asegurou Luis López

A Deputación de Pontevedra acaba de aprobar as primeiras achegas do Plan + Provincia: 802.000 euros para que os concellos de Arbo, Fornelos de Montes, A Lama, Moraña, Poio, Pontecesures e Soutomaior contraten a 81 persoas desempregadas para a conservación e funcionamento de bens e servizos municipais. “En menos dun mes dende que abrimos o prazo para solicitar fondos do +Provincia –asegurou o presidente Luis López- estamos xa a destinar recursos aos concellos, para seguir dando pasos nese modelo de pontes tendidas e, en xeral, de avance para o conxunto da provincia”.

Ao detalle, tal e como explicou o presidente, o concello de Arbo recibirá 98.000 euros para contratar a 13 persoas desempregadas que traballarán como peóns forestais (9), operarios de servizos xerais (2) e no servizo de Axuda no Fogar (2). Pola súa banda Fornelos de Montes beneficiarase de 90.000 para contratar a 9 persoas que ocuparán os postos de condutores (5), limpadores (2), oficial tractorista (1) e socorrista (1). Tamén serán 9 as persoas que contrate A Lama, con 111.000 euros da Deputación de Pontevedra, para executar tarefas como peóns forestais (4), operarios (3), peón de limpeza (1) e auxiliar administrativo (1).

Pola súa banda, Moraña recibirá 104.500 euros ao abeiro da liña 3 do Plan +Provincia para contratar a 7 persoas desempregadas que ocuparán os postos de peóns forestais (4), peón transportista (1), monitor de servizos á comunidade (1) e tractorista (1). Poio, con 200.000 euros, contratará a 19 persoas como limpadores (4), operarios de servizos múltiples (3), subalternos (2), técnicos de turismo (2), condutores (2), oficiais electricistas (2), peóns de obras públicas (2), traballador social (1) e auxiliar de clínica (1).

Pontecesures contratará a 5 persoas con 82.000 euros da Deputación para traballar como peóns de obra pública (2), arquitecto (1), limpador (1) e auxiliar de xardinaría (1). Finalmente Soutomaior recibirá 119.000 euros ao abeiro da liña 3 do Plan +Provincia para contratar a 19 persoas desempregadas que ocuparán os postos de peóns forestais (10), varredores (4), oficiais albaneis (3), auxiliar administrativo (1) e auxiliar de biblioteca (1).

O presidente da Deputación de Pontevedra recordou que o Plan + Provincia, destinado aos concellos de menos de 50.000 habitantes da provincia, está dotado con 48,2 millóns de euros e distribuído en catro liñas a 1, centrada en investimentos, con 33,74 millóns de euros; a 2, de amortización de débedas, con 4 millóns de euros; a 3, para activación de emprego, con 9,25 millóns de euros; e a 4, novidosa, para redactar proxectos de transformación da mobilidade en zonas rurais e urbanas, dotada con 1,2 millóns de euros.

Relacionadas

A Deputación concede preto de 34.000 euros ao Concello do Rosal para a adquisición...

0
Trátanse de recursos do Plan Extraordinario de Infraestruturas Deportivas que distribuíron xa máis de 1,7 millóns de euros entre 28 concellos da provincia de...

A Deputación aproba máis de 30.000 euros para que o Concello da Lama mellore...

0
Estes recursos enmárcanse no Plan Extraordinario de Infraestruturas Deportivas que xa mobilizou máis de 1,7 millóns de euros entre 28 concellos da provincia de...

A Deputación celebra o Día do Libro cun contacontos e diversas propostas dixitais para...

0
O ilustrador Marc Taeger e o contador de contos Caxoto serán os encargados da actividade que se celebrará o vindeiro martes 23 de abril,...

A Oficina de Turismo de Redondela e o Meirande abren as súas portas

0
Redondela comeza oficialmente a temporada turística coa apertura da súa Oficina de Información, na rúa Isidoro Queimaliños, e do centro de interpretación da Batalla...

O concello de Nigrán entra no Grupo Asesor de Unicef-España a través de Cayetana...

0
Estes dous representantes do Consello Escolar Municipal foron seleccionados xunto a outros 3 de Galicia (Moaña, Ponteareas e Teo) para formar parte do grupo...

A terceira edición da Feira do Libro de Soutomaior chega pisando forte con 3...

0
Este ano, por primeira vez, esta cita tamén se vaia a celebrar na parroquia de Soutomaior. Deste xeito o 23 de abril centrará o...

Publicacións Relacionadas