Home Deputacións Deputación Pontevedra A Deputación celebra o Día do Libro cun contacontos e diversas propostas...

A Deputación celebra o Día do Libro cun contacontos e diversas propostas dixitais para os máis pequenos baixo o lema “A desCuberta dos libros”

- Anuncio -

O ilustrador Marc Taeger e o contador de contos Caxoto serán os encargados da actividade que se celebrará o vindeiro martes 23 de abril, ás 11:00 horas

Na web da Deputación habilitarase un recuncho de libros infantís recomendados por editoriais e uns pequelibros ilustrados para que escriban o seu propio conto

A Deputación de Pontevedra celebrará o Día do Libro 2024 baixo o lema “A desCuberta dos libros”, cun contacontos que terá lugar no Pazo provincial o vindeiro martes, 23 de abril, ás 11:00 horas, e diferentes propostas dixitais para os máis pequenos. O obxectivo é conmemorar esta efeméride homenaxeando á infancia, aos primeiros lectores, aos primeiros libros que collemos e á sensación que se ten cando acontece a descuberta dos libros. Por iso, na programación deste ano a institución provincial pon de relevo a importancia da ilustración nas edicións infantís, convertendo tamén o Día do Libro nunha homenaxe aos ilustradores e ás editoriais de referencia no libro infantil.

O ilustrador Marc Taeger e o contador de contos Caxoto serán os encargados de facer desfrutar aos máis pequenos o martes 23 con “Contos debuxados, debuxos contados”, unha actividade que une contos e ilustracións para crear un espectáculo cheo de vitalidade, situacións esperpénticas, personaxes inesquecibles, creatividade desbordada e moita diversión. O presidente da Deputación, Luis López, e o deputado de Cultura, Jorge Cubela, compartirán a actividade cos cativos, aos que tamén se lles convidará a asistir co seu libro favorito para facer unha lectura conxunta.

Ademais, a semana próxima habilitarase na páxina web da Deputación un espazo con libros infantís recomendados por editoriais galegas, para animar aos máis pequenos a descubrir novas lecturas, e a proposta “Crea o teu primeiro libro”, con dous pequelibros ilustrados para que os máis pequenos escriban o seu propio conto. Desta maneira, poderán descargalo e pregalo á metade para darlle forma de libro e completar os espazos baleiros para crear a súa propia historia, e, se o desexan, compartilo despois a través de participa.cultura@depo.gal.

Relacionadas

O Concello de Nigrán insta ao Parlamento a que tramite de xeito urxente unha...

0
María Jesús Seoane, vicepresidenta de AGAELA e ex-traballadora do Concello de Nigrán , leu a moción ante a ovación dos seus antigos compañeiros e...

Covelo felicita a Leonor polo seu 101 aniversario

0
Leonor cumpre hoxe 101 anos na compaña do persoal da residencia de maiores de Covelo e das e das residentes. Esta veciña de Sabarís,...

Marín ruxirá esta fin de semana coa celebración en Briz do Ruxe Marín

0
Axe Bahía Batucada presentaron o evento xunto coa concelleira de Festas, Marián Sanmartín.  A Asociación Cultural Axé Bahia Batucada presentou xunto coa concelleira de Festas,...

Os xogos de auga do Paseo Alcalde Blanco volverán estar activos esta fin de...

0
A brigada municipal de Augas está estes días poñendo de novo en funcionamento o sistema, que non supón gasto de auga dado que se...

A Deputación remarca a pegada de “Sempre en Galiza” na cultura galega nas xornadas...

0
Rafa Domínguez recordou que o manuscrito orixinal “dun dos testemuños máis destacables da actividade de Castelao, no que da voz ao momento que vivía...

EuRural e o Xeodestino Ría de Vigo e Baixo Miño brillan baixo os focos...

0
Durante tres días o público puido visionar os vídeos promocionais da campaña ‘Vivir experiencias, compartir territorio’ e a contraportada do Canzine destacou o proxecto...

Publicacións Relacionadas