Home Deputacións Deputación Pontevedra A Deputación concede 20.000 euros ao Concello de Lalín para mellorar o...

A Deputación concede 20.000 euros ao Concello de Lalín para mellorar o pavimento da pista de atletismo do estadio Manuel Anxo Cortizo

- Anuncio -

A estes recursos do Plan Extraordinario de Infraestruturas Deportivas hai que engadir outros 50.000 euros do mesmo plan para a mellora do Lalín Arena

O Plan Extraordinario de Infraestruturas Deportivas mobilizou xa preto de 1,4 millóns de euros entre 23 concellos da provincia de menos de 50.000 habitantes

A Deputación de Pontevedra acaba de aprobar unha nova axuda de 20.000 euros ao abeiro do Plan Extraordinario de Infraestruturas Deportivas para o Concello de Lalín, que lle permitirá instalar pavimento sintético na pista de atletismo do estadio Manuel Anxo Cortizo. En total, o Concello de Lalín xa recibiu 70.000 euros para renovar infraestruturas deportivas municipais ao abeiro deste Plan, xa que aos recursos que acaban de ser comprometidos hai que engadir outros 50.000 euros destinados a diferentes actuacións no Lalín Arena.

O Concello de Lalín dedicará esta nova achega de 20.000 euros do Plan Extraordinario de Infraestruturas Deportivas a adquirir un tartán para as actividades de salto en altura con pértega, así como para colocar o caixón para apoio da pértega para a pista de atletismo do Manuel Anxo Cortizo. O tartán, cunha superficie aproximada de 426 m2, estará certificado pola Asociación Internacional de Federacións de Atletismo (IAFF), e o apoio da pértega estará fabricado con pranchas de aceiro e composto de caixón e tapa, cumprindo tamén as medidas coas da homologación da IAFF.

O Plan Extraordinario de Infraestruturas Deportivas da Deputación, dirixido aos 59 concellos da provincia de menos de 50.000 habitantes, mobilizou ata o momento preto de 1,4 dos 4 millóns de orzamento total, con achegas, ademais de para Lalín para A Cañiza, A Estrada, Arbo, As Neves, Baiona, Barro, Cangas, Catoira, Cerdedo-Cotobade, Covelo, Crecente, Fornelos de Montes, Gondomar, Marín, Meis, Moraña, Pazos de Borbén, Poio, Redondela, Salceda de Caselas, Vilaboa e Vilagarcía de Arousa.

Relacionadas

O Concello de Nigrán insta ao Parlamento a que tramite de xeito urxente unha...

0
María Jesús Seoane, vicepresidenta de AGAELA e ex-traballadora do Concello de Nigrán , leu a moción ante a ovación dos seus antigos compañeiros e...

Covelo felicita a Leonor polo seu 101 aniversario

0
Leonor cumpre hoxe 101 anos na compaña do persoal da residencia de maiores de Covelo e das e das residentes. Esta veciña de Sabarís,...

Marín ruxirá esta fin de semana coa celebración en Briz do Ruxe Marín

0
Axe Bahía Batucada presentaron o evento xunto coa concelleira de Festas, Marián Sanmartín.  A Asociación Cultural Axé Bahia Batucada presentou xunto coa concelleira de Festas,...

Os xogos de auga do Paseo Alcalde Blanco volverán estar activos esta fin de...

0
A brigada municipal de Augas está estes días poñendo de novo en funcionamento o sistema, que non supón gasto de auga dado que se...

A Deputación remarca a pegada de “Sempre en Galiza” na cultura galega nas xornadas...

0
Rafa Domínguez recordou que o manuscrito orixinal “dun dos testemuños máis destacables da actividade de Castelao, no que da voz ao momento que vivía...

EuRural e o Xeodestino Ría de Vigo e Baixo Miño brillan baixo os focos...

0
Durante tres días o público puido visionar os vídeos promocionais da campaña ‘Vivir experiencias, compartir territorio’ e a contraportada do Canzine destacou o proxecto...

Publicacións Relacionadas