O 95% DAS INCIDENCIAS COMUNICADAS A través DO SERVIZO LIÑA VERDE FORON XA SOLUCIONADAS
“Iluminación” é a tipoloxía de incidencias máis comunicada por parte dos veciños de Avión. Grazas a unha elevada participación cidadá a través do servizo Liña Verde, faise visible a importante mellora experimentada no municipio.
O Concello de Avión manifesta o éxito obtido no seu municipio tras a implantación de Liña Verde. Desde a posta en funcionamento do servizo, a participación cidadá ha experimentado un crecemento exponencial. Isto demostra unha eficaz resposta por parte do Consistorio na resolución de incidencias comunicadas polos veciños.
A día de hoxe o 95% das incidencias recibidas foron xa solucionadas. O tipo de incidencias máis frecuente son aquelas que fan referencia a “Iluminación” (56%), seguido de “Recollida de Aveños e Voluminosos” (19%), “Incidencias Estradas” (10%), “Limpeza Espazos Públicos” (6%),“ Avespa Velutina” (6%) e “Avaría Auga Municipal” (2%).
Grazas á implicación directa dos veciños, o Consistorio puido levar a cabo áxiles actuacións. Ademais, tivo coñecemento de certas necesidades das que non tiña constancia.
Para poder utilizar este novo servizo é necesario proceder á descarga da APP Liña Verde. Para iso, o usuario accede a Google Play ou APP Store en función da tecnoloxía empregada na súa Smartphone (Android/iOS). Unha vez localizada, leva a cabo a descarga de forma gratuíta. A partir dese momento, o usuario selecciona o municipio sobre o que quere comunicar a incidencia. O procedemento é moi rápido e sinxelo.
Para comunicar un dano, basta con picar sobre o botón “Nova Incidencia”. Un despregable coas diferentes tipoloxías de incidencias aparece en pantalla. O usuario selecciona aquela sobre a que quere comunicar. De forma automática, a APP detecta as coordenadas exactas nas que se sitúa o dano. O seguinte paso é anexar unha foto da incidencia e observación sobre a mesma. Xa só queda dar ao botón de enviar. Unha vez enviada, persoal do Concello recibe notificación do dano comunicado. A partir deste intre, inícianse os trámites para dar solución á incidencia detectada. O cidadán á súa vez, recibe notificación no seu teléfono móbil sempre que se produza un cambio no estado da mesma.
A través de Liña Verde, o usuario tamén pode expor calquera consulta ambiental. Basta con seleccionar a opción de “Fai a túa consulta”. Nun prazo máximo de 24 horas terá resposta por parte dun equipo de expertos na materia de forma completamente gratuíta.
Ao servizo Liña Verde tamén se pode acceder a través do dominio www.linaverdeavion.gal.. Ademais de comunicar unha incidencia ou expor unha consulta, o usuario dispón dun amplo contido de consulta ambiental ( guía de boas prácticas, consellos, información propia do municipio etc…).
Liña Verde tamén ofrece os seus servizos a través de contacto telefónico no número 902 193 768 en horario de 8.00 horas a 17.00 horas (custo da chamada 0,07 €/min).
O Consistorio manifesta estar moi satisfeito cos resultados obtidos e anima aos veciños do municipio para seguir utilizando esta canle directa de comunicación.
