A Xunta de Goberno tamén autorizou a modificación de obras, dentro do Plan de Cooperación CooperOU, solicitadas polos concellos de Boborás, Leiro, Punxín e San Cibrao das Viñas
Na mesma sesión foron aprobadas as bases reguladoras e convocatoria de concesión de bonificacións a entidades polo uso das instalacións do Pazo dos Deportes “Paco Paz” durante a tempada 2023-24
A Xunta de Goberno da Deputación vén de mobilizar un total de 420.603,53 euros destinados a actividades culturais (a través da resolución do concurso para a concesión de subvencións para a realización de festivais, ciclos ou actividades análogas en 2024, cun importe total de 60.000 euros), obras en concellos e para a celebración do vindeiro Rally de Ourense, mediante unha achega á Escudería Ourense de 53.000 euros.
No que atinxe ás axudas aos concellos, ao de Cortegada concédenselle 295.000 euros para a expropiación destinada a instalacións e actividades de ocio da zona termal. Por outra banda, o Concello de Esgos percibirá 12.603,53 euros para a instalación dunha pista deportiva de pádel descuberta no núcleo de Esgos.
A Xunta de Goberno tamén autorizou a modificación de obras, contempladas dentro do Plan de Cooperación CooperOU, solicitadas polos concellos de Boborás, Leiro, Punxín e San Cibrao das Viñas. Todas estas obras suman unha cantidade total de 441.279,5 euros, dentro dos fondos do devandito Plan de Cooperación.
