O sábado, día 25 de maio, a rúa Dali estará pechada ao tráfico desde as 19.00 horas e a partir das 21.30 h tamén as rúas Ervedelo e a dos Remedios
O Consello Municipal de Deportes organiza este sábado, día 25 de maio, a Carreira do Couto dentro do circuíto de carreiras populares “Correndo por Ourense”.
Cortes de tráfico
Desde hoxe, venres 24 de maio, non se poderá estacionar na parte superior da rúa Dalí para a montaxe da carpa de chegada e a rúa Faustino Míguez na súa parte inferior esquerda para a montaxe da carga de avituallamento.
O sábado, 25 de maio, desde as 19.00 horas estará cortado o tráfico a rúa Dalí no tramo entre as rúas dos Remedios e Ervedelo e, a partir das 21.30 horas, cortaranse tamén as rúas de Ervedelo e dos Remedios.
Itinerario alternativo
Poderanse utilizar as seguintes vías alternativas:
Na rúa Doutor Fléming e na rúa Reza, desprazaranse pola rúa Portocarreiro, Fonte do Bispo, praza do Couto, rúa Francisco Moure, Faustino Santalices, Simón de Monasterio, Carlos Maside, Sorolla e rúa Ervedelo (sentido centro da cidade).
No cruzamento da rúa Ervedelo coa praza de San Rosendo desviarase o tráfico pola rúa do Progreso.
Na rúa Greco desviarase o tráfico pola avda. Pardo de Cela.
Na rúa Bispo Lourenzo á altura dos Xulgados, desvíase o tráfico pola Ponte Lebrona que será de sentido cara ao centro da cidade.
Encamiñarase o tráfico con conos na rúa Ervedelo, entre a praza Sorolla e a praza da Chave, permitindo o tráfico en sentido de entrada á cidade (tramo común coas persoas participantes na carreira).
