test
Home Deputacións Deputación Ourense O Programa de Termalismo Social da Deputación de Ourense incorpora desde hoxe...

O Programa de Termalismo Social da Deputación de Ourense incorpora desde hoxe o tren Avril

- Anuncio -

Este programa é o único de España que ofrece a posibilidade de tren incluído


O primeiro cuadrimestre desde ano pechouse con 1.800 reservas realizadas desde 11 comunidades autonómas: Andalucía, Asturias, Canarias, Cantabria, Castilla-León, Castilla La Mancha, Galicia, Madrid, Murcia, Navarra, País Vasco e Valencia


A incorporación do tren Avril e o interese por contar nos vindeiros meses cos Avlo estiveron entre os temas tratados nunha reunión que mantivo o presidente provincial, Luis Menor, co director xeral de Renfe Viajeros, Javier Pérez; e o director de Relacións Institucionais de Renfe, José Luis Blanco

A Deputación de Ourense, en colaboración cos balnearios da provincia, ten en marcha desde hai 12 anos o Programa de Termalismo Social, onde se impulsa un factor fundamental para a competitividade do sector termal provincial como é integrar o desprazamento aos establecementos termais. Para acadalo, considerouse o tren como elemento clave, combinando o desprazamento por ferrocarril co transporte desde a estación ata cada un dos balnearios. Precisamente, desde 2015 a Deputación asina un convenio anual con Renfe que permite a inclusión do billete de tren nas estancias termais. É, de feito, o único programa destas características de toda España que contempla esta posibilidade de tren incluído.
Esa posibilidade aumenta agora coa inclusión no Programa de Termalismo Social do tren Avril desde hoxe mesmo, primeiro luns que está en servizo. Esta incorporación non vai supoñer un cambio no prezo estipulado para os beneficiarios do Programa de Termalismo Social.

Así mesmo, o interese por contar nos vindeiros meses cos Avlo, foi outro dos asuntos que abordou o presidente provincial, Luis Menor, co director xeral de Renfe Viajeros, Javier Pérez; e o director de Relacións Institucionais de Renfe, José Luis Blanco, nunha reunión de traballo en Madrid.
Precisamente, para prantexar a incorporación dos Avlo cando estén operativos en Galicia e para planificar o programa 2025 haberá unha nova reunión de traballo entre ambos organismos.

O Programa de Termalismo Social, en cifras

Desde o seu inicio no ano 2013, o Programa de Termalismo Social da Deputación de Ourense ten suposto unha importante contribución ao sector termal da provincia. Nestes anos, participaron no programa máis de 22.000 persoas, o que se traduce en máis de 75.000 pernoctacións e máis de 200.000 técnicas termais administradas.

No que atinxe aos datos económicos, o Programa de Termalismo Social ten aportado máis de 6 millóns de euros de impacto económico directo nos balnearios. Máis do 50% das persoas beneficiarias viñeron de fóra da provincia e delas, máis da metade utilizaron o tren integrado no programa.

Nos primeiros catro meses desde ano 2024, pecháronse 1.800 reservas realizadas desde 11 comunidades autónomas: Andalucía, Asturias, Canarias, Cantabria, Castilla-León, Castilla La Mancha, Galicia, Madrid, Navarra, País Vasco e Valencia.

Incorporación de novas modalidades

Desde o inicio contempláronse dúas opcións segundo os tipos de balnearios: con aloxamento ou sen el. Así, a modalidade máis completa do Programa é a de Estancias Termais de 6 días, que inclúe 5 noites de aloxamento, pensión completa e 10 técnicas termais con asesoramento médico.

Tamén con aloxamento púxose en marcha a modalidade de fin de semana, baixo o nome de “cultura termal”, porque iso é o que persegue: facilitar o coñecemento e o aprecio polos balnearios, xerando unha cultura de coñecemento termal.

Por último, a terceira modalidade, pensada e deseñada para os balnearios sen establecemento hostaleiro, é a de Tratamentos Terapéuticos, de 10, 20 ou 35 tratamentos respiratorios, reumatolóxicos ou dermatolóxicos, todo iso con revisión e orientación médica incluída.

Todas as persoas que queren solicitar o programa de estancias de 6 días ou o Programa de tratamentos sen aloxamento, só ten que cumprir unha condición, ser maior de 50 anos, podendo ir ao balneario acompañados doutra persoa de calquera idade. Para o programa de fin de semana o solicitante non ten que cumprir o requisito de ter cumpridos os 50 anos.

O novo equipo de goberno do presidente Luis Menor apostou polas novas modalidades de “termalismo contra a soidade non desexada” e polo “termalismo inclusivo”.

Relacionadas

A Deputación concentra no Museo de Pontevedra a protagonistas do retorno dos restos de...

0
A xornada desenvolverase o venres 28 de xuño, coa participación de Tareixa Navaza, Javier Baltar, Henrique Monteagudo, Xan Carballa e Xosé Enrique Acuña A conmemoración...

A Deputación acolle ata o vindeiro venres no Pazo provincial a exposición “A Galicia...

0
A mostra, promovida pola Asociación de Periodistas de Galicia e o Colectivo de Fotoxornalistas de Galicia, recolle 73 fotografías, inéditas ou publicadas, realizadas por...

A Deputación ten aberto ata o mércores 3 de xullo o prazo para presentar...

0
Por vez primeira a institución provincial premiará os mellores proxectos da provincia a favor da igualdade de xénero e contra a violencia machista, que...

A Deputación presenta este martes no edificio do Arquivo a publicación “Xulio Gil. Insercións”

0
A presentación terá lugar ás 19:30 horas e contará coa participación do vicepresidente provincial Rafa Domínguez A Deputación presenta este martes, 25 de xuño, ás...

A rúa Marcelo Macías estará pechada ao tráfico por obras desde o luns, no...

0
Os condutores disporán como itinerarios alternativos as rúas Camiño Romano, cara o Polvorín e o Camiño dos Ponxos, cara Barbadás Un tramo da rúa Marcelo...

A Xunta apoia a Festa do comercio local Veranear de Ribadavia no marco das...

0
O director xeral de Comercio e Consumo, Gabriel Alén, asistiu este serán á Festa do comercio local Veranear de Ribadavia, apoiada pola Xunta no...

Publicacións Relacionadas