test
Home Pontevedra A Asociación Érguete recibe a Cruz Blanca de la Orden al Mérito...

A Asociación Érguete recibe a Cruz Blanca de la Orden al Mérito del Plan Nacional sobre Drogas

- Anuncio -

O Ministerio de Sanidad premia así a traxectoria e o traballo exemplar da entidade pola mellora de vida das persoas con problemas de adiccións

Hai case 39 anos un grupo de nais formaron unha Asociación para que os seus fillos e fillas con problemas de adiccións tiveran unha saída. Tamén era unha plataforma pola que protestar, loitar e, tamén, soñar. Chamárona Asociación Érguete e hoxe, case corenta anos despois, continúa a súa labor con máis persoas usuarias que nunca (máis de 8.000) e o seu traballo foi  premiado coa Cruz Blanca de la Orden al Mérito del Plan Nacional sobre Drogas polo Ministerio de Sanidad hoxe nun acto en Madrid.

A coordinadora da Asociación, Elvira Rivas, destaca que este recoñecemento “é un premio a todas aquelas nais que, como Carmen Avendaño, Dora, Tonina, Ballesteros, Sara ou Mari Graña, soñaron o que somos hoxe” e tamén “un impulso máis a este proxecto que queremos que siga crecendo para non deixar a ninguén atrás”. Rivas quere lembrar a importancia para a sociedade dos programas de prevención e intervención da Asociación, tanto na saúde pública como no impulso de novas oportunidades.

Coa Cruz Blanca na Asociación Érguete tamén queren insistir en que a loita contra as adiccións “ten que ser un compromiso común para todos e todas”. O primeiro paso, é non criminalizar ás persoas que consumen. “Temos que saber que teñen un problema do que non se pode saír só. Ninguén podería”. Contan que a única maneira de solucionar esta problemática “é que rememos xuntos e xuntas para seguir conseguindo recursos para axudar a estar persoas e deter aos culpables, os grandes traficantes”. Rivas incide en que a Cruz Blanca é un recoñecemento que mostra a importancia deste traballo.

O Ministerio de Sanidad tamén premiou á Asociación Ferrolana de Drogodependencias – ASFEDRO, a Ana María Vicente Macías, a Alejandro Martín Blas, a Patricia Angulo Llanos, ao Grupo de Control Aduanero y Seguridad en las Terminales Portuarias de la Aduana Marítima de Valencia, a Ana Ruíz Bremón, a Ana Sánchez Sánchez, a Francesc José Verdú Asensi e a Alfonso Ramírez de Arellano.

Relacionadas

O BNG solicita medidas de control de tráfico na rúa do Sol

0
Nos últimos anos, foron múltiples as veces que o BNG solicitou ao goberno municipal tomar medidas urxentes para o control de tráfico na rúa...

En xullo arranca “Verán con sabor” a guía gastronómica que premia os consumidores

0
Durante os meses de xullo, agosto e setembro aquelas persoas que consuman na hostelería de Salvaterra de Miño poderán optar a máis de 40...

Historias sen fin co andel dos libros libres do Rosal

0
O Concello pon en marcha unha iniciativa que busca promover a lectura poñendo a disposición da veciñanza libros de todo tipo de balde Un estante...

O que queren para outras vilas, non o queren para Marín

0
Sobre o estacionamento e a mobilidade urbana  Últimamente, non saímos do noso asombro. Como Goberno local, consideramos que hai que traballar para que unha vila...

O BNG denuncia o “colapso” no hospital de día de oncoloxía do Álvaro Cunqueiro...

0
A fronte nacionalista reclama á Xunta que reforce o servizo para poñer fin ás demoras na atención e para evitar que as persoas doentes...

Diego Calvo, visitou esta mañá en Ribadumia os participantes no IV Torneo Intercontinantal de...

0
O conselleiro de Presidencia, Xustiza e Deportes, Diego Calvo, visitou esta mañá en Ribadumia os participantes no IV Torneo Intercontinantal de fútbol sub-14, máis...

Publicacións Relacionadas